Ashes 2022: इंग्लंड संघाला मोठा झटका, 'या' खेळाडूने मालिकेतून घेतली माघार

ऑस्ट्रेलिया (Australia) आणि इंग्लंड यांच्यात सुरु असलेल्या पाच सामन्यांच्या ऍशेस मालिकेत इंग्लंड आधीच 0-3 ने पिछाडीवर असून मालिकेतील चौथा सामना सिडनीमध्ये सुरु आहे.
Ben Stokes


Ben Stokes

Dainik Gomantak 

ऑस्ट्रेलिया आणि इंग्लंड यांच्यात सुरु असलेल्या पाच सामन्यांच्या ऍशेस मालिकेत इंग्लंड आधीच 0-3 ने पिछाडीवर असून मालिकेतील चौथा सामना सिडनीमध्ये सुरु आहे. एससीजीमध्ये सुरु असलेल्या ऍशेस मालिकेतील चौथ्या कसोटी सामन्यातही इंग्लिश संघाची अवस्था वाईटच आहे. ऑस्ट्रेलियाने (Australia) चौथ्या कसोटी सामन्याच्या पहिल्या डावात 400 हून अधिक धावा केल्या आहेत. तर इंग्लंडच्या (England) संघाला अष्टपैलू खेळाडू असणाऱ्या बेन स्टोक्सच्या (Ben Stokes) रुपाने झटका बसला आहे.

<div class="paragraphs"><p><br>Ben Stokes</p></div>
Ashes Series: संधी मिळताच ऑस्ट्रेलियाच्या 'या' खेळाडूने केली कमाल

दरम्यान, बेन स्टोक्सला दुखापत झाली असून तो दुसऱ्या दिवशी मैदानाबाहेर आहे. गोलंदाजी करत असताना बेन स्टोक्सच्या पाठीत दुखू लागले. यानंतर त्याला मैदानाबाहेर जावे लागले आणि त्याचे ओव्हर मार्क वुडने पूर्ण केले. सुमार कामगिरीमुळे अडचणीत सापडलेल्या इंग्लंड संघाला या सामन्यात गोलंदाजीचीही अडचण झाली. कर्णधार जो रुटने सात गोलंदाजांसह गोलंदाजी केली असून संघाला केवळ 8 विकेट मिळाल्या आहेत.

शिवाय, सिडनीतील चौथ्या कसोटी सामन्याच्या पहिल्या आणि दुसऱ्या दिवशी पावसाने खेळ खराब केला. पहिल्या दिवशी फक्त 46.5 षटके खेळली गेली, तर दुसऱ्या दिवशी पहिल्या सत्रात फारच कमी षटके टाकली गेली. ऑस्ट्रेलियासाठी या सामन्यात उस्मान ख्वाजाने शानदार फलंदाजी करताना शतक झळकावले. त्याने 260 चेंडूत 13 चौकारांच्या मदतीने 137 धावा केल्या. स्टीव्ह स्मिथने 67 धावांची खेळी केली. इंग्लंडकडून स्टुअर्ट ब्रॉडने सर्वाधिक 5 बळी घेतले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com