मुंबईच्या रणजी संघाला मोठा झटका, शिवम दुबे संघाबाहेर

शिवम दुबे खांद्याच्या दुखापतीमुळे रणजी ट्रॉफीच्या फेरीच्या सामन्यांसाठी अनुपलब्ध आहे, असे मुंबई क्रिकेट असोसिएशन (MCA) ने सांगितले.
Shivam Dubey
Shivam Dubey Dainik Gomantak

अष्टपैलू खेळाडू शिवम दुबेला रणजी नॉकआउट साठी मुंबई संघातून वगळण्यात आले आहे. IPL 2022 मध्ये चेन्नई सुपर किंग्जचे प्रतिनिधित्व करणारा 28 वर्षीय अष्टपैलू खेळाडू खांद्याच्या दुखापतीमुळे रणजी ट्रॉफीच्या फेरीच्या सामन्यांसाठी अनुपलब्ध आहे, असे मुंबई क्रिकेट असोसिएशन (MCA) ने सांगितले. मुंबई संघासाठी हा मोठा धक्का आहे. त्याचबरोबर सलामीवीर पृथ्वी शॉला संघाचा कर्णधार बनवण्यात आले आहे.

Shivam Dubey
धोकादायक अवस्थेत असलेल्या लामगाव खंदकातील पाणीउपसा लांबणीवर

दुखापतीमुळे बाहेर पडलेल्या अजिंक्य रहाणेचाही संघात समावेश नाही. सलील अंकोला निवड समितीने युवा मुशीर खानचा 21 जणांच्या संघात समावेश केला आहे, ज्याने त्याच्या वयोगटातील क्रिकेटमध्ये उत्कृष्ट कामगिरी केली आहे. याशिवाय त्याचा मोठा भाऊ सरफराज खानचाही मुंबईच्या रणजी संघात समावेश करण्यात आला आहे, जो दीर्घकाळ संघासाठी मोठी खेळी करत आहे.

6 ते 10 जून दरम्यान बंगळुरू येथे होणाऱ्या उपांत्यपूर्व फेरीत मुंबईची लढत उत्तराखंडशी होणार आहे. इतर उपांत्यपूर्व फेरीत बंगाल विरुद्ध झारखंड, कर्नाटक विरुद्ध उत्तर प्रदेश आणि पंजाबविरुद्ध मध्य प्रदेश आहेत. मुंबईने उपांत्यपूर्व फेरीतील सामना जिंकला तर ते उपांत्य फेरीत पोहोचतील. उत्तराखंड बघितले तर मुंबईचा वरचष्मा आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com