Sri Lanka Cricket: श्रीलंकन अष्टपैलूला 'ही' चूक पडली महागात, एक वर्षासाठी झाला निलंबित

श्रीलंकेचा अष्टपैलू क्रिकेटपटू चमिका करुणारत्नेवर एका वर्षाची बंदी घालण्यात आली आहे.
Chamika Karunaratne
Chamika Karunaratne Dainik Gomantak

श्रीलंकेचा अष्टपैलू क्रिकेटपटू चमिका करुणारत्नेवर मोठी कारवाई करण्यात आली आहे. श्रीलंका क्रिकेट मंडळाने त्याच्यावर शिस्तभंगाची कारवाई केली आहे. त्यामुळे त्याला शिक्षा म्हणून क्रिकेटमधून एक वर्षाची बंदी आणि दंडही आकारण्यात आला आहे.

श्रीलंकन बोर्डाच्या (Sri Lanka Cricket) तीन सदस्यीय समितीने केलेल्या शिस्तभंगाच्या चौकशीनंतर कार्यकारी समितीने ही शिक्षा सुनावली आहे. तीन सदस्यीय समितीला त्याने अनेक नियमांचे उल्लंघन केल्याचे आढळले आहे. दरम्यान, करुणारत्नेने (Chamika Karunaratne) त्याच्यावर लावण्यात आलेले सर्व आरोप मान्य केले आहेत.

त्यामुळे त्याच्यावर क्रिकेटच्या सर्व प्रकारात खेळण्यासाठी एक वर्षाची बंदी आणि 5000 यूएस डॉलर दंड आकारण्यात आला आहे.

Chamika Karunaratne
T20 World CUP 2022: श्रीलंका नाही तर 'या' संघाचा भारताच्या ग्रुपमध्ये प्रवेश; 27 ऑक्टोबरला लढत

श्रीलंकन क्रिकेट बोर्डाने म्हटले आहे की "करुणारत्नेनी केलेल्या उल्लंघनाचे गांभीर्य लक्षात घेऊन, चौकशी समितीने आपल्या अहवालाद्वारे कार्यकारी समितीला शिफारस केली आहे की खेळाडूंना पुढील उल्लंघनांपासून परावृत्त करावे आणि अशी शिक्षा द्यावी ज्याचा परिणाम त्याच्या क्रिकेट कारकिर्दीवर जास्त होणार नाही."

"चौकशी पॅनेलच्या या निष्कर्ष आणि शिफारशींनंतर कार्यकारी समितीने त्याच्या सर्व प्रकारच्या क्रिकेटमध्ये भाग घेण्यावर एक वर्षाची बंदी घातली आहे."

Chamika Karunaratne
IMF Loan: भारताचे शेजारी कर्जबाजारी ; पाकिस्तान, श्रीलंका आणि बांगलादेश अव्वल

करुणारत्ने नुकताच टी20 विश्वचषकात श्रीलंकेकडून खेळताना दिसला होता. त्याने 7 सामन्यात खेळताना 3 विकेट्स घेतल्या होत्या. पण त्याला फलंदाजीसाठी फारशी संधी मिळाली नाही. त्याआधी त्याने श्रीलंकेला यावर्षीचा आशिया चषक जिंकून देण्यात मोलाचा वाटा उचलला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com