Under 17 Womens Football World Cup: जर्मनीसमोर चिलीचा धोका

ब गटात अव्वल स्थानासाठी चुरस
Under 17 Womens Football World Cup
Under 17 Womens Football World CupDainik Gomantak

पणजी : दक्षिण अमेरिकन संघ चिलीची फिफा १७ वर्षांखालील महिला विश्वकरंडक स्पर्धेतील सुरवात दणकेबाज ठरली. अनुभवी न्यूझीलंडला चकीत केल्यानंतर आता जर्मनीसमोर त्यांचा धोका असेल. ब गटातील अव्वल स्थानासाठी ही लढत महत्त्वाची ठरू शकते. (Under 17 Womens Football World Cup)

Under 17 Womens Football World Cup
T20 World Cup: या 5 भारतीय फलंदाजांनी T20 World Cup मध्ये केल्या सर्वाधिक धावा

फातोर्डा येथील पंडित जवाहरलाल नेहरू स्टेडियमवर शुक्रवारी (ता. १४) होणाऱ्या लढतीत चिलीचा संघ अंडरडॉग्ज असेल, त्यामुळे जर्मनीला सावध राहावे लागेल. गटातील पहिल्या लढतीत पिछाडीवरून नायजेरियाला नमविताना जर्मनीला संघर्ष करावा लागला होता.

ब गटातील आणखी एका लढतीत न्यूझीलंड व नायजेरिया संघ बाद फेरीतील जागेसाठी आव्हान कायम राखण्याच्या प्रयत्नात असतील.

Under 17 Womens Football World Cup
BCCI सोडल्यानंतर दादाची पहिली प्रतिक्रीया, वक्तव्याने सर्वांनाच केले आश्चर्यचकित

चिलीने ४-३-३ व्यूहरचनेत खेळताना पूर्वार्धातील अर्ध्या तासाच्या खेळापूर्वी दोन गोल करत न्यूझीलंडच्या आव्हानातील हवा काढून घेतली होती. अॅलेक्स कास्ट्रो यांच्या मार्गदर्शनाखालील हा संघ विश्वकरंडक स्पर्धेत दुसऱ्यांदाच खेळत आहे. १२ वर्षांपूर्वी सर्वप्रथम या स्पर्धेत खेळताना त्यांना तीनही सामने गमवावे लागले होते व फक्त एकच गोल केला होता.

यंदा पहिल्याच लढतीत आक्रमक खेळाचे शानदार प्रदर्शन घडविताना चिलीने प्रतिस्पर्ध्यांवर तीन गोल डागले. चौदा वर्षीय अँबर फिगेरोआ याने शानदार पहिला गोल केला होता.

जर्मनीची ही सातवी विश्वकरंडक स्पर्धा आहे. फ्रेडेरिके क्रोम्प यांच्या मार्गदर्शनाखालील संघाने मागील लढतीत उत्तरार्धात दोन गोल नोंदवत नायजेरियाचा प्रतिकार मागे सारला होता.

फातोर्ड्यातील आजचे सामने (ब गट)

1) न्यूझीलंड विरुद्ध नायजेरिया (संध्याकाळी ४.३० वाजता)

2) जर्मनी विरुद्ध चिली (रात्री ८ वाजता)

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com