आय-लीग फुटबॉल : चर्चिल ब्रदर्सला मोहम्मेडनने रोखले

Gomantak Banner  (13).jpg
Gomantak Banner (13).jpg

पणजी : माजी विजेत्या चर्चिल ब्रदर्सला गुरुवारी आय-लीग फुटबॉल स्पर्धेत कोलकात्याच्या मोहम्मेडन स्पोर्टिंग क्लबने गोलशून्य बरोबरीत रोखले. सामना पश्चिम बंगालमधील कल्याणी येथील म्युनिसिपल स्टेडियमवर झाला.

बरोबरीमुळे दोन्ही संघांना प्रत्येकी एक गुण विभागून मिळाला. अगोदरच्या लढतीत इंडियन ॲरोजला नमविलेल्या चर्चिल ब्रदर्सचे आता दोन लढतीनंतर चार गुण झाले आहेत. एक विजय व एक बरोबरी यामुळे मोहम्मेडन स्पोर्टिंगचेही चार गुण झाले आहेत. चर्चिल ब्रदर्स आता पहिल्या, तर मोहम्मेडन स्पोर्टिंग दुसऱ्या क्रमांकावर आहे.

स्पर्धेतील अन्य लढतीत गोकुळम केरळा संघाने पंजाब एफसीवर 4 - 3 अशी, तर स्पर्धेत पदार्पण करणाऱ्या सुदेवा दिल्ली एफसी संघाने इंडियन ॲरोजवर 3 - 0 फरकाने विजय मिळविला. गोकुळम केरळा व सुदेवा दिल्ली यांचे प्रत्येकी तीन गुण झाले आहेत. पंजाब एफसीचे पराभवामुळे तीन गुण कायम राहिले, तर इंडियन ॲरोजला सलग दुसरा पराभव पत्करावा लागला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com