I-League : चर्चिल ब्रदर्ससमोर `नेरोका`चे आव्हान

I League
I League

पणजी : गोव्याच्या चर्चिल ब्रदर्सने मणिपूरच्या नेरोका एफसी संघाला नमविल्यास त्यांना आय-लीग फुटबॉल स्पर्धेतील अग्रस्थान पुन्हा मिळविता येईल. उभय संघांतील सामना बुधवारी (ता. 24) कोलकाता येथे खेळला जाईल.

फर्नांडो व्हारेला यांच्या मार्गदर्शनाखालील चर्चिल ब्रदर्स संघ आठ सामने अपराजित आहे. चार विजय व चार बरोबरीमुळे त्यांच्या खाती 16 गुण आहेत. दुसरीकडे नेरोका एफसी संघ अकरा संघांत दहाव्या क्रमांकावर आहे. दोन विजय, दोन बरोबरी, चार पराभव या कामगिरीसह त्यांच्या खाती आठ लढतीनंतर फक्त आठ गुण आहेत. मंगळवारी रियल काश्मीरने ऐजॉल एफसीला 3-1 फरकाने हरवून स्पर्धेत 17 गुणांसह अव्वल स्थान मिळविले आहे.

चर्चिल ब्रदर्सने सातव्या फेरीतील लढतीत चेन्नई सिटीला हरविले होते. नेरोका एफसीने स्पर्धेतील दुसऱ्या विजयाची नोंद करताना मागील लढतीत सुदेवा दिल्ली एफसीला पराजित केले. त्यामुळे चर्चिल ब्रदर्सला बुधवारी सावध राहावे लागेल. आक्रमणात त्यांची मदार होंडुरासचा क्लेव्हिन झुनिगा आणि स्लोव्हेनियाचा लुका मॅसेन यांच्यावर असेल. दोघांनीही स्पर्धेत प्रत्येकी पाच गोल केले आहेत.

दृष्टिक्षेपात...

- आय-लीगमध्ये एकमेकांविरुद्ध मागील 5 लढतीत नेरोका एफसीचे 3, चर्चिल ब्रदर्सचे 2 विजय

- गतमोसमात 2 फेब्रुवारी 2020 रोजी चर्चिल ब्रदर्सची नेरोकावर 4-1 फरकाने मात

- स्पर्धेत चर्चिल ब्रदर्सचे 11, तर नेरोका एफसीचे 13 गोल

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com