Shikhar Dhawan's Bollywood Debut: क्रिकेटपटू शिखर धवन अभिनेत्री हुमा कुरेशीसोबत झाला रोमँटिक

'डबल एक्स एल' या सोशल कॉमेडी चित्रपटातून करणार बॉलीवूडमध्ये पदार्पण
Shikhar Dhawan Huma Qureshi
Shikhar Dhawan Huma QureshiDainik Gomantak

Shikhar Dhawan's Bollywood Debut: भारतीय क्रिकेट संघातील सलामीवीर शिखर धवन हा आता बॉलीवूडमध्ये पदार्पण करण्यास सज्ज झाला आहे. सोनाक्षी सिन्हा (Sonakshi Sinha) आणि हुमा कुरेशी (Huma Qureshi) यांच्या आगामी 'डबल XL' या चित्रपटात शिखरने भूमिका साकारली आहे. या चित्रपटातील हुमा आणि शिखऱचा एक रोमँटिक फोटो सध्या व्हायरल झाला आहे.

Shikhar Dhawan Huma Qureshi
Sidharth-Kiara Wedding : सिद्धार्थ-कियारा अडकणार लग्नबंधनात? समोर आली अशी माहिती...

नुकत्याच एका मुलाखतीतही शिखरने या चित्रपटातून पदार्पण करत असल्याबद्दल मत व्यक्त केले होते. हा निर्णय अगदी सहजपणे घेतल्याचे त्याने सांगितले होते. शिखर म्हणाला की, मी एक खेळाडू आहे आणि देशासाठी खेळत राहणे हेच माझे कर्तव्य आहे. त्यामुळे मी माझ्या आयुष्यात खूप व्यग्र असतो.

फावल्या वेळेत मला चित्रपट पाहायला आवडतात. जेव्हा या चित्रपटाची ऑफर माझ्याकडे आली तेव्हा या कथेचा माझ्यावर खूप खोल प्रभाव पडला. या चित्रपटातून समाजासाठी एक खूप चांगला संदेश देण्याचा प्रयत्न केला आहे. मला वाटते, युवा मुले आणि मुलींनी आपल्या आपली स्वप्ने पुर्ण करण्यास प्राधान्य दिले पाहिजे. दरम्यान, शिखरची ही भूमिका पाहुण्या कलाकाराची असणार आहे.

Shikhar Dhawan Huma Qureshi
भारतीय चाहत्यांसाठी मोठी बातमी, हा गोलंदाज T20 World Cup साठी ऑस्ट्रेलियाला होणार रवाना

4 नोव्हेंबर रोजी हा चित्रपट रीलीज होत आहे. ही दोन महिलांची कहाणी आहे. त्या दोघीही स्वतःच्या स्वप्नांचा शोध घेत आहेत. नुकतेच या चित्रपटाचे पोस्टर रीलीज करण्यात आले आहे. चित्रपटाचा फर्स्ट लूक समोर आल्यानंतर याबाबतची उत्सुकता वाढली आहे. या चित्रपटाचे दिग्दर्शन सतराम रमानी यांनी केले आहे. चित्रपटात हुमा, सोनाक्षीशिवाय झहीर इकबाल, महत राघवेंद्र यांच्याही भूमिका आहेत.

क्रिकेट आणि बॉलीवूड हे नाते खूप जुने आहे. जुन्या काळातील अभिनेत्री शर्मिला टागोर यांनी भारतीय क्रिकेट संघाचा कर्णधार मन्सुर अली खान पतौडी यांच्याशी विवाह केला होता. अभिनेत्री नीना गुप्ता या तर लग्नाआधीच वेस्टइंडिजचा धडाकेबाज फलंदाज विव्हियन रिचर्डस याच्याशी रिलेशनमध्ये होत्या.

त्यांना या रिलेशनमधून झालेली मसाबा ही मुलगीही आहे. अगदी आत्ताचे ताजे उदाहरण म्हणजे विराट कोहली आणि अभिनेत्री अनुष्का शर्मा यांचे लग्न. नुकतेच अभिनेत्री सारा अली खान हीचे नाव क्रिकेटपटू शुभमन गिल याच्यासोबत जोडले जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com