Cristiano Ronaldo fined: रोनाल्डोला धक्का! दोन सामन्यांची बंदी अन् दंडाची झाली कारवाई

ख्रिस्तियानो रोनाल्डोवर दोन सामन्यांची बंदी घालण्यात आली असून 50,000 डॉलर दंडही आकारण्यात आला आहे.
Cristiano Ronaldo
Cristiano RonaldoDainik Gomantak

Cristiano Ronaldo fined: पोर्तुगालचा स्टार फुटबॉलपटू ख्रिस्तियानो रोनाल्डो सध्या विविध कारणांनी चर्चेत आहे. आता त्याच्याबाबतीत मोठी बातमी समोर आली असून इंग्लंडच्या फुटबॉल असोसिएशनने त्याच्यावर 50,000 डॉलर दंड आणि 2 सामन्यांची बंदी अशी कारवाई केली आहे. यावर्षाच्या सुरुवातीला एव्हर्टनविरुद्धच्या सामन्यानंतर त्याने चाहत्याबरोबर केलेल्या गैरवर्तनामुळे त्याच्यावर ही कारवाई करण्यात आली आहे.

यावर्षी एप्रिलमध्ये एव्हर्टनविरुद्ध 1-0 अशा गोलफरकाने मँचेस्टर युनायटेड संघ पराभूत झाला होता. या पराभवानंतर त्याने एका युवा चाहत्याच्या हाताला मारत त्याचा मोबाईल फोन पाडला होता. याबद्दल त्याच्यावर टीकाही झाली होती. आता या घटनेमुळे त्याला कारवाईला सामोरे जावे लागले आहे.

Cristiano Ronaldo
Cristiano Ronaldo Dominates Instagram: इन्स्टाग्रामवर सर्वाधिक फॉलोअर्स असलेला सेलिब्रिटी बनला रोनाल्डो

रोनाल्डोनेही (Cristiano Ronaldo) त्याची चूक मान्य केली होती. दरम्यान, त्याच्यावर ही कारवाई सध्या सुरु असलेल्या फिफा वर्ल्डकपमध्ये (FIFA World Cup 2022) लागू होणार नाही. पण, जरी मँचेस्टर युनायटेडबरोबरील (Manchester United) त्याचा करार संपला असला तरी तो जेव्हा दुसऱ्या क्लबकडे जाईल, तेव्हा मात्र कारवाई लागू होईल.

रोनाल्डोने मागितली होती माफी

चाहत्याबरोबरील त्या घटनेनंतर रोनाल्डोने इंस्टाग्रामवर पोस्ट करत माफीही मागितली होती. त्याने म्हटले होते, 'आम्ही ज्या कठीण परिस्थितीचा सामना करत आहोत, अशा परिस्थितीत भावनांना आवरणे सोपे नसते. असे असले तरी, आम्ही या खेळाची आवड असलेल्या सर्व तरुणांसमोर नेहमीच आदर, संयम राखला पाहिजे आणि आदर्श ठेवला पाहिजे.'

'मी माझ्या भावनांच्या झालेल्या उद्रेकाबद्दल माफी मागतो. निष्पक्ष खेळ आणि खिलाडूवृत्ती लक्षात घेत शक्य असल्यास, मी या चाहत्याला ओल्ड ट्रॅफर्ड येथे सामना पाहण्यासाठी निमंत्रित करू इच्छितो.'

रोनाल्डोने सोडली युनायटेडची साथ

दरम्यान, रोनाल्डो आणि मँचेस्टर युनायटेड यांनी नुकतेच आपले मार्ग वेगळे केले आहेत. रोनाल्डोने युनायडेटच्या मॅनेजरवर केलेल्या टीकेमुळे त्याचे आणि क्लबचे संबंध बिघडल्याची चर्चा होती. अखेर त्यांनी आता परस्पर सहमतीने वेगळे होण्याचा निर्णय घेतला. त्यामुळे आता रोनाल्डो फ्री एजंट आहे.

Cristiano Ronaldo
FIFA World Cup च्या धामधूमीत रोनाल्डो अन् मँचेस्टर युनायटेडचे मार्ग झाले वेगळे!

त्याचबरोबर, सध्या रोनाल्डो पोर्तुगाल संघासह फिफा वर्ल्डकप 2022 स्पर्धेत सहभागी झाला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com