Croatia vs Belgium: बेल्जियमने गमावली बाद फेरीची संधी

सामना गोलशुन्य बरोबरीत; क्रोएशिया आरामात पुढील फेरीत
Croatia vs Belgium
Croatia vs BelgiumDainik Gomantak

Croatia vs Belgium: फिफा फुटबॉल वर्ल्डकप स्पर्धेतील ग्रुप एफ मधील दुसऱ्या सामन्यात गत उपविजेता क्रोएशिया आणि बेल्जियम हे दोन संघ एकमेकांना भिडले. दोन्ही संघांना पुर्णवेळेत आणि भरपाई वेळेतही गोल नोंदवता आला नाही. त्यामुळे सामना गोलशुन्य बरोबरीत राहिला.

(FIFA World Cup 2022)

Croatia vs Belgium
Mumbai City FC: मुंबई सिटी एफसीच्या विजयात हे दोन गोल ठरले निर्णायक

पुर्वार्धात दोन्ही संघांची गोलची पाटी कोरीच राहिली. बेल्जियमच्या खेळाडुंनी 60 व्या मिनिटाला चांगली मुव्ह केली होती. पण त्याचे रूपांतर गोलमध्ये करण्यात त्यांना यश आले नाही. रोमेलू लुकाकू याच्यासमोर गोलजाळी अगदी रिकामी होती. पण त्याने फटकावलेला शॉट गोलपोस्टला लागून परतला. त्यामुळे बेल्जियमचा गोल होता होता राहिला.

बेल्जियमच्या करास्को याने क्रोएशियाचा स्ट्रायकर क्रेमेरिज याला पेनल्टी बॉक्समध्ये पाडले. त्यामुळे क्रोएशियाला 15 व्या मिनिटाला पेनल्टी किक मिळाली. लुका मोद्रिच पेनल्टीसाठी तयार झाला होता, पण व्हीएआर ने हा निर्णय फिरवला. क्रोएशियाचा एक खेळाडू ऑफसाईड असल्याचे दिसून आले, त्यामुळे क्रोएशियाला आघाडीपासून वंचित राहावे लागले.

Croatia vs Belgium
PAK vs ENG: शानदार, जबरदस्त! दिवसभरात 4 शतके, 500 धावा; 112 वर्षे जुना रेकॉर्ड मोडला

दरम्यान, या सामन्यापुर्वी ग्रुप एफ मध्ये क्रोएशिया आणि मोरक्को प्रत्येकी चार गुणांसह पहिल्या आणि दुसऱ्या स्थानावर होते. त्यामुळे क्रोएशिया संघाला हा सामना अनिर्णित राहिला तरी एक गुण मिळून त्यानुसार गुणांनुसार त्यांना बाद फेरीत पोहचता आले असते. तर बेल्जियमला या सामन्यात कुठल्याही परिस्थइतीत विजय आवश्यक होता. तरच त्यांना पुढील फेरीत प्रवेशाची संधी होती. बेल्जियमचे तीन गुण होते. तर कॅनडा आधीच स्पर्धेतून बाहेर पडला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com