धोनीला मागे टाकत डेव्हिड वॉर्नरने केली 'हिटमॅन'ची बरोबरी

मुंबईच्या ब्रेबॉर्न स्टेडियमवर झालेल्या या सामन्यात दिल्लीने हैदराबादचा 21 धावांनी पराभव करत पाचवा विजय नोंदवला.
धोनीला मागे टाकत डेव्हिड वॉर्नरने केली 'हिटमॅन'ची बरोबरी
David WarnerTwitter

आयपीएल 2022 मध्ये दिल्ली कॅपिटल्सचा सलामीवीर डेव्हिड वॉर्नरची (David Warner) बॅट चांगली कामगिरी करत आहे. IPL 2022 (IPL) च्या चालू हंगामातील 50 व्या सामन्यात वॉर्नरने सनरायझर्स हैदराबाद विरुद्ध 58 चेंडूत 92 धावांची तुफानी खेळी खेळली. मुंबईच्या ब्रेबॉर्न स्टेडियमवर झालेल्या या सामन्यात दिल्लीने हैदराबादचा 21 धावांनी पराभव करत पाचवा विजय नोंदवला. वॉर्नरला त्याच्या शानदार फलंदाजीसाठी सामनावीर म्हणून गौरवण्यात आले . वॉर्नर आयपीएलमध्ये 18व्यांदा सामनावीर ठरला. यादरम्यान त्याने चेन्नई सुपर किंग्जचा कर्णधार महेंद्रसिंग धोनीला मागे टाकले.

David Warner
किंग कोहली दक्षिण आफ्रिकेतील टी-20 मालिकेला मुकणार, हार्दिक पांड्याचं पुनरागमन

आयपीएलमध्ये सर्वाधिक सामनावीर ठरलेल्या खेळाडूंच्या यादीत दक्षिण आफ्रिकेचा अनुभवी फलंदाज एबी डिव्हिलियर्स पहिल्या क्रमांकावर आहे. या T20 लीगमध्ये डिव्हिलियर्सला 25 वेळा सामनावीर म्हणून गौरवण्यात आले आहे, तर वेस्ट इंडिजचा दिग्गज ख्रिस गेल 22 सामनावीर पुरस्कारासह दुसऱ्या क्रमांकावर आहे. वॉर्नरने या काळात मुंबई इंडियन्सचा कर्णधार रोहित शर्मा (18) याच्या विक्रमाची बरोबरी केली. धोनीला आतापर्यंत 17 वेळा सामनावीर म्हणून गौरवण्यात आले आहे, तर रॉयल चॅलेंजर्स बंगळुरूचा माजी कर्णधार विराट कोहलीला 13 वेळा सामनावीर म्हणून गौरवण्यात आले आहे.

रोव्हमन पॉवेलने नाबाद 67 धावा केल्या

प्रथम फलंदाजी करताना डेव्हिड वॉर्नरच्या शानदार खेळीच्या जोरावर दिल्लीने 207 धावा केल्या. यादरम्यान वॉर्नरने 12 चौकार आणि तीन षटकार मारले. रोव्हमन पॉवेलने 35 चेंडूत 67 धावा केल्या. पॉवेलने आपल्या झंझावाती खेळीत एकूण सहा षटकार ठोकले. 208 धावांच्या लक्ष्याचा पाठलाग करताना हैदराबादचा संघ 20 षटकांत केवळ 186 धावाच करू शकला.

David Warner
5 षटकात गेम ओवर, एकाच गोलंदाजाने पुर्ण टिमला केले होते क्लिन बोल्ड

हैदराबादचे दोन्ही सलामीवीर स्वस्तात पॅव्हेलियनमध्ये परतले

हैदराबादची सुरुवात चांगली झाली नाही आणि सलामीवीर अभिषेक शर्मा आणि कर्णधार केन विल्यमसन हे दोघेही स्वस्तात पॅव्हेलियनमध्ये परतले. अभिषेक सात, तर केनने 4 धावा केल्या. हैदराबादकडून निकोलस पूरनने 34 चेंडूत 62 धावा केल्या. एडन मार्करामनेही 42 धावांची महत्त्वपूर्ण खेळी खेळली. दिल्लीकडून वेगवान गोलंदाज खलील अहमदने 3, तर शार्दुल ठाकूरने 2 बळी घेतले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.