Super League Football: अटीतटीच्या लढतीत धेंपो स्पोर्टस क्लबने चर्चिल ब्रदर्सला 2-1 फरकाने नमवून जीएफए सुपर लीग फुटबॉल स्पर्धेत दुसऱ्या स्थानी प्रगती केली. सामन्याच्या शेवटच्या मिनिटास गोल नोंदवून एफसी गोवाने अग्रस्थानावरील साळगावकर एफसीला 1-1 असे गोलबरोबरीत रोखले.
नागोवा पंचायत मैदानावर सामन्यातील अर्ध्या तासाच्या आत दोन गोल करून धेंपो क्लबची स्थिती भक्कम केली. बेनेस्टन बार्रेटो याने आठव्या, तर पेद्रो गोन्साल्विसने 28व्या मिनिटास प्रत्येकी एक गोल केला.
69व्या मिनिटास ट्रिजॉय डायसने चर्चिल ब्रदर्सची पिछाडी एका गोलने कमी केली. स्पर्धेतील सातव्या विजयामुळे धेंपो क्लबचे आता 23 गुण झाले आहेत. स्पर्धेतील तिसऱ्या पराभवामुळे चर्चिल ब्रदर्सचे 17 गुण कायम राहिले.
म्हापसा येथील धुळेर स्टेडियमवर मार्क कार्व्हालो याने 70व्या मिनिटास केलेल्या गोलमुळे साळगावकर संघ एका गोलने आघाडीवर होता. 90व्या मिनिटास व्हेलिंग्टन फर्नांडिसने केलेल्या गोलमुळे एफसी गोवा संघाला बरोबरीचा एक गुण मिळवता आला.
साळगावकर संघाची ही चौथी बरोबरी ठरली. 25 गुणांसह त्यांचे अव्वल स्थान कायम राहिले. एफसी गोवाची ही स्पर्धेतील आठवी बरोबरी ठरली. त्यांचे 20 गुण झाले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
