Bandodkar Trophy: करिमाबादला विजेतेपदासाठी धेंपो क्लबचे कडवे आव्हान

बांदोडकर करंडक (Bandodkar Trophy) टी-20 क्रिकेट स्पर्धेत विजेतेपदासाठी करिमाबाद क्रिकेट क्लबसमोर धेंपो क्रिकेट क्लबचे आव्हान असेल.
Ishaan Gadekar
Ishaan GadekarDainik Gomantak

पणजी: बांदोडकर करंडक टी-20 क्रिकेट (T20 Cricket) स्पर्धेत विजेतेपदासाठी करिमाबाद क्रिकेट क्लबसमोर धेंपो क्रिकेट क्लबचे आव्हान असेल. पणजी जिमखान्याच्या या स्पर्धेतील अंतिम सामना मंगळवारी (ता. २४) कांपाल येथील भाऊसाहेब बांदोडकर मैदानावर खेळला जाईल. (Dhempo Cricket Club will face Karimabad Cricket Club for the title in Bandodkar Trophy T20 Cricket Tournament)

स्पर्धेच्या उपांत्य फेरीतील दोन्ही सामने सोमवारी झाले. अवघ्या २५ धावांत ५ गडी टिपलेल्या रिषभ चौबे याच्या भेदक गोलंदाजीसमोर साळगावकर क्लबचा (Salgaonkar Club) डाव गडगडला आणि करिमाबाद क्लबने १७ धावांनी विजय प्राप्त केला. पहिल्या पाच चेंडूंत दोघे फलंदाज गमावल्यानंतर साळगावकर क्लबला १४६ धावांचे आव्हान झेपलेच नाही. ईशान गडेकर एकहाती लढत देताना ६५ धावा केल्या, पण त्या विजयासाठी पुरेशा ठरल्या नाहीत.

Ishaan Gadekar
CK Nayudu Trophy : स्पर्धेतील विजयासह गोव्याच्या मोहिमेचा समारोप

दिव्यांगची अष्टपैलू चमक

धेंपो क्लबने दिव्यांग हिंगणेकर (नाबाद २९, २-३३) याच्या अष्टपैलू कामगिरीच्या बळावर चौगुले क्लबला १० धावांनी हरविले. कर्णधार दर्शन मिसाळ फलंदाजी करत असताना चौगुले क्लबला विजयाची संधी होती, मात्र तो बाद झाला आणि १६८ धावांच्या आव्हानासमोर चौगुले क्लबला ७ बाद १५७ धावाच करता आल्या. ३१ चेंडूंत तीन चौकार व दोन षटकारांसह ५० धावा केलेल्या डावखुऱ्या दर्शनला दिव्यांगने मलिक सिरूर याच्याकरवी झेलबाद केले, तेव्हा चौगुले क्लबला विजयासाठी २१ चेंडूंत ३८ धावांची गरज होती व सहा विकेट बाकी होत्या, पण धेंपो क्लबवर वर्चस्व राखणे त्यांना जमले नाही. त्यापूर्वी, मुकुल कसाना व अझीम काझी यांनी तिसऱ्या विकेटसाठी केलेल्या ९१ धावांच्या भागीदारीमुळे धेंपो क्लबला ६ बाद १६७ धावांची मजल मारला आली होती.

Ishaan Gadekar
Ranji Trophy: सौराष्ट्रला रोखण्याचे गोव्यासमोर आव्हान

संक्षिप्त धावफलक

करिमाबाद क्रिकेट क्लब ः २० षटकांत ९ बाद १४५ (अझान थोटा २२, तुनीष सावकार २७, सोहम पानवलकर ४०, दीपराज गावकर २२, शुभम तारी १-३५, समीत आर्यन मिश्रा ३-२५, सागर मिश्रा १-१८, देवदत्त चोडणकर ३-३५) वि. वि. साळगावकर क्रिकेट क्लब ः १९ षटकांत सर्वबाद १२८ (ईशान गडेकर ६५, वैभव नाईक १३, आदित्य सूर्यवंशी १९, किथ पिंटो १४, रिषभ चौबे ४-१-२५-५, दीपराज गावकर २-२१, रिषभ चौहान १-२१, सचिन मिश्रा १-१४).

Ishaan Gadekar
Ranji Trophy 2022: 'या' 22 वर्षीय खेळाडूने पदार्पणाच्या सामन्यातच रचला इतिहास

धेंपो क्रिकेट क्लब ः २० षटकांत ६ बाद १६७ (मुकुल कसाना ४२, अझीम काझी ४७, विकास सिंग २३, दिव्यांग हिंगणेकर नाबाद २९, मलिक सिरूर १२, फेलिक्स आलेमाव २-२८, सुशील बुर्ले २-४१, कृष्णन उन्नी १-३८, दर्शन मिसाळ १-२०) वि. वि. चौगुले स्पोर्टस क्लब ः २० षटकांत ७ बाद १५७ (राहुल मेहता ३४, एकनाथ केरकर १२, पियुष यादव ३८, दर्शन मिसाळ ५०, दिव्यांग हिंगणेकर २-३३, हर्षद गडेकर ३-२२, विकास सिंग २-२४).

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com