GCA Premier League: धेंपो, एमसीसी अंतिम फेरीच्या दिशेने

अनुक्रमे पणजी जिमखाना, साळगावकर क्लबवर वर्चस्व
GCA Premier League | Vikas Singh
GCA Premier League | Vikas Singh Dainik Gomantak

GCA Premier League: गोवा क्रिकेट असोसिएशनच्या प्रीमियर लीग क्रिकेट स्पर्धेत बुधवारी अनपेक्षित निकालाची नोंद झाली तर अंतिम लढतीत धेंपो क्रिकेट क्लबसमोर एमसीसी संघाचे आव्हान असेल.

स्पर्धेच्या उपांत्य लढतीत मंगळवारी सामन्याच्या दुसऱ्या दिवसअखेर पर्वरी येथील जीसीए अकादमी मैदानावर धेंपो क्लबने पणजी जिमखान्यावर पहिल्या डावात 194 धावांची आघाडी घेतली, नंतर दुसऱ्या डावात बिनबाद सहा धावा करून एकूण आघाडी 200 धावांची केली.

GCA Premier League | Vikas Singh
World Cup 2023: ‘ही’ टीम जिंकणार 2023 चा वर्ल्ड कप, ऑस्ट्रेलियन गोलंदाजाची भविष्यवाणी

विकास सिंगचे नाबाद दीडशतक, त्याने शेवटच्या विकेटसाठी फरदीन खान (1) याच्यासमवेत केलेली 99 धावांच्या झुंजार भागीदारीमुळे धेंपो क्लबने पहिल्या डावात 402 धावा केल्या. नंतर विकास व रोहन बोगाटी यांनी एकत्रित नऊ गडी टिपत पणजी जिमखान्याचा पहिला डाव 208 धावांत गुंडाळला.

कांपाल येथील भाऊसाहेब बांदोडकर मैदानावर साळगावकर क्लबच्या 207 धावांना उत्तर देताना एमसीसीने 345 धावा करून 138 धावांची आघाडी घेतली. दिवसअखेर साळगावकरने दुसऱ्या डावात 1 बाद 14 धावा केल्या. ते अजून 124 धावांनी मागे आहेत.

GCA Premier League | Vikas Singh
Rohit Sharma: चेन्नईत धोनीला मागे टाकण्याची हिटमॅनला सुवर्णसंधी, फक्त कराव्या लागणार 'इतक्या' धावा

संक्षिप्त धावफलक

पर्वरी येथे ः

धेंपो क्रिकेट क्लब, पहिला डाव ः 97.5 षटकांत सर्वबाद 402 (विकास सिंग नाबाद 152, प्रथमेश डोंगरे 3-33) व दुसरा डाव ः 1 षटकात बिनबाद 6 विरुद्ध पणजी जिमखाना, पहिला डाव ः 76.1 षटकांत सर्वबाद 208 (राहुल मेहता 48, स्नेहल कवठणकर 57, शुभम देसाई 39, हेरंब परब 24, फरदीन खान 1-35, रोहन बोगाटी 4-43, विकास सिंग 5-91).

कांपाल-पणजी येथे ः

साळगावकर क्रिकेट क्लब, पहिला डाव ः 207 व दुसरा डाव ः 7 षटकांत 1 बाद 14 विरुद्ध एमसीसी, पहिला डाव ः 99.5 षटकांत सर्वबाद 345 (सुमीरन आमोणकर 40, प्रथमेश गावस 37, शंतनू नेवगी 29, शौर्य जगलन 67, कीथ पिंटो 27, पियुष यादव 45, दर्शन मिसाळ 57, विजेश प्रभुदेसाई 1-90, लखमेश पावणे 2-53, दीपराज गावकर 1-19, अमूल्य पांड्रेकर 2-67, यश कसवणकर 4-81).

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com