इंग्लंडला विश्वविजेता बनवणाऱ्या कर्णधाराने आंतरराष्ट्रीय क्रिकेटला केला अलविदा

35 वर्षीय मॉर्गन हा इंग्लंडचा सर्वाधिक धावा करणारा तसेच एकदिवसीय क्रिकेटमधील सर्वात यशस्वी कर्णधार आहे.
Eoin Morgan
Eoin MorganDainik Gomantak

इंग्लंडचा मर्यादित षटकांचा कर्णधार इऑन मॉर्गनने आंतरराष्ट्रीय क्रिकेटमधून निवृत्ती जाहीर केली आहे. 35 वर्षीय मॉर्गन हा इंग्लंडचा सर्वाधिक धावा करणारा तसेच एकदिवसीय क्रिकेटमधील सर्वात यशस्वी कर्णधार आहे. मॉर्गनने इंग्लंडकडून 225 एकदिवसीय सामन्यांमध्ये 13 शतकांसह 6957 धावा केल्या आहेत. एकदिवसीय क्रिकेटमध्ये मॉर्गनच्या एकूण 14 शतकांसह 7701 धावा आहेत. (Eoin Morgan Announces Retirement From International Cricket)

दरम्यान, इऑन मॉर्गनने (Eoin Morgan) 126 सामन्यांमध्ये इंग्लंडचे नेतृत्व केले, ज्यात त्याने 76 जिंकले. या कालावधीत त्याची विजयाची टक्केवारी 65.25 होती. त्याने आपल्या कारकिर्दीतील सर्वात संस्मरणीय क्षणांपैकी एक म्हणजे इंग्लंडला घरच्या भूमीवर 2019 मध्ये ICC पुरुष क्रिकेटमधील विश्वचषक विजेतेपद मिळवून दिले.

Eoin Morgan
IND vs ENG: भारतीय महिला संघ पुन्हा एकदा करणार इंग्लंड दौरा, वेळापत्रक जाहीर

तसेच, मॉर्गन हा टी-20 आंतरराष्ट्रीय क्रिकेटपटू देखील होता. त्याने 115 सामन्यात 14 अर्धशतके आणि 136.18 च्या सरासरीने 2458 धावा केल्या. मॉर्गन गेल्या काही काळापासून खराब फॉर्मशी झुंज देत होता. मॉर्गनने गेल्या 28 आंतरराष्ट्रीय सामन्यांमध्ये केवळ दोन अर्धशतके झळकावली होती. मॉर्गनच्या जागी जोस बटलरकडे इंग्लंडच्या (England) वनडे आणि टी-20 संघाची कमान सोपवली जाऊ शकते, असे मानले जात होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com