RFD लीग फुटबॉल स्पर्धेत एफसी गोवाला तिसऱ्या स्थानाची संधी
RFD League Football CompetitionDainik Gomantak

RFD लीग फुटबॉल स्पर्धेत एफसी गोवाला तिसऱ्या स्थानाची संधी

RFD League Football Competition : मोहिमेच्या अखेरीस आज यंग चँप्सविरुद्ध लढत

पणजी : बंगळूर एफसी व केरळा ब्लास्टर्स संघाचे रिलायन्स फाऊंडेशन डेव्हलपमेंट लीग फुटबॉल स्पर्धेतील पहिले दोन क्रमांक निश्चित आहेत. तिसऱ्या क्रमांकासाठी एफसी गोवा आणि हैदराबाद एफसी यांच्यात चढाओढ आहे. त्यादृष्टीने गोव्यातील संघासाठी बुधवारचा (ता. 11) सामना महत्त्वाचा असेल. (RFD League Football Competition)

RFD League Football Competition
कान्स फिल्म फेस्टिव्हलच्या ज्युरीमध्ये झळकणार बॉलीवूडची मस्तानी

एफसी गोवाच्या स्पर्धेतील मोहिमेची समाप्ती बुधवारी आरएफ यंग चँप्स संघाविरुद्ध होईल. आणखी एका सामन्यात चेन्नईयीन एफसीसमोर मुंबई सिटीचे आव्हान असेल. गुरुवारी (ता. 12) स्पर्धेच्या अखेरच्या दिवशी जमशेदपूर व हैदराबाद एफसी यांच्यात, तर बंगळूर आणि केरळा ब्लास्टर्स यांच्यात लढत होईल.

बंगळूर व केरळा ब्लास्टर्स यांच्यातील सामना विजेतेपदाच्या दृष्टीने महत्त्वाचा असेल. हे दोन्ही संघ इंग्लंडमधील नेक्स्ट जन कप स्पर्धेसाठी पात्र ठरले आहेत. बंगळूरचे 18, तर केरळा ब्लास्टर्सचे 15 गुण आहेत. हैदराबाद व एफसी गोवाचे प्रत्येकी 10 गुण आहेत. सरस गोलसरासरीमुळे हैदराबाद (+4) तिसऱ्या, तर एफसी गोवा (-1) चौथ्या स्थानी आहे. आरएफ यंग चँप्स व जमशेदपूर एफसी संघाचे प्रत्येकी सात गुण, चेन्नईयीन एफसीचे दोन गुण आहेत. तळाच्या मुंबई सिटीस सहाही सामन्यांत पराभव स्वीकारावा लागला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.