एफसी गोवाच्या मोहिमेचा विजयी समारोप
FC GoaDainik Gomantak

एफसी गोवाच्या मोहिमेचा विजयी समारोप

डेव्हलपमेंट लीगमध्ये यंग चँप्सवर दोन गोलने मात

पणजी : सामन्यातील शेवटच्या तेरा मिनिटांत दोन गोल नोंदवून एफसी गोवाने रिलायन्स फाऊंडेशन डेव्हलपमेंट लीग फुटबॉल स्पर्धेतील मोहिमेचा विजयी समारोप केला. नागोवा येथील मैदानावर त्यांनी बुधवारी आरएफ यंग चँप्सवर 2-0 फरकाने मात केली.

FC Goa
संघाच्या विजयानंतर कर्णधार हार्दिक पंड्याने केले शुभमनचे कौतुक

यंग चँप्सने पूर्वार्धात एफसी गोवास चांगलेच झुंजविले, नंतर उत्तरार्धातही त्यांनी प्रतिस्पर्ध्यांना दाद दिली नाही. मात्र अखेरच्या टप्प्यातील खेळात एफसी गोवाने मुसंडी मारली. पूर्वार्धात संधी हुकलेल्या रायन मिनेझिसने 77 व्या मिनिटास गोलशून्य बरोबरीची कोंडी फोडली. त्यानंतर 88 व्या मिनिटास जोव्हियल डायस याने एफसी गोवाच्या विजयावर शिक्कामोर्तब करणारा गोल केला.

एफसी गोवाचा हा सात लढतीतील चौथा विजय ठरला. त्यांचे 13 गुण झाले असून ते तिसऱ्या क्रमांकावर आहेत. यंग चँप्सला चौथ्या पराभवाचा सामना करावा लागला, त्यामुळे सात लढतीनंतर त्यांचे सात गुण कायम राहिले.

FC Goa
CSK मध्ये वाद, रवींद्र जडेजा संघातून पडणार बाहेर?

डेव्हलपमेंट लीग स्पर्धेत बंगळूर एफसी आणि केरळा ब्लास्टर्स यांच्यातील शेवटच्या साखळी सामन्यानंतर गुरुवारी (12 मे) विजेता संघ निश्चित होईल. सामना बाणावली येथे खेळला जाईल. सध्या प्रत्येकी सहा सामने खेळल्यानंतर बंगळूरचे 18 गुण, तर केरळा ब्लास्टर्सचे 15 गुण आहे. सहाही सामने जिंकलेल्या बंगळूरला गुरुवारी विजेतेपदासाठी बरोबरीचा गुण पुरेसा असेल. केरळा ब्लास्टर्सने विजय मिळविल्यास दोन्ही संघांचे समान 18 गुण होतील. सध्या बंगळूरची +15, तर केरळा ब्लास्टर्सची +8 गोलसरासरी आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.