RFDL: FC Goa ची विजयी मालिका कायम, श्रीनिदी डेक्कनवर तीन गोलने शानदार विजय

गोव्यात झालेली विभागीय फेरी आणि आता मुख्य फेरी मिळून एफसी गोवा संघ सलग अकरा सामने अपराजित आहे.
Reliance Development League
Reliance Development LeagueDainik Gomantak

Reliance Development League: एफसी गोवा संघाने रिलायन्स फाऊंडेशन डेव्हलपमेंट लीग (RFDL) फुटबॉल स्पर्धेतील अपराजित मालिका कायम राखताना बुधवारी श्रीनिदी डेक्कन एफसीवर 3-0 असा शानदार विजय संपादला. स्पर्धेच्या राष्ट्रीय पातळीवरील मुख्य फेरीतील सामना बंगळूर येथे झाला.

गोव्यात झालेली विभागीय फेरी आणि आता मुख्य फेरी मिळून एफसी गोवा संघ सलग अकरा सामने अपराजित आहे. श्रीनिदी डेक्कनविरुद्ध एफसी गोवा संघ विश्रांतीला दोन गोलने आघाडीवर होता. लीवन कास्तान्हा याने 16 व्या, तर माकन चोथे याने 27 व्या मिनिटास गोल केला. 89 व्या मिनिटास श्रीनिदी डेक्कनच्या एम. उमाशंकर याला रेड कार्ड दाखविण्यात आले. त्यानंतर 90 + 01 व्या मिनिटास व्हर्स्ली पेस याने एफसी गोवाच्या विजयावर शिक्कामोर्तब करणारा गोल नोंदविला.

एफसी गोवा संघ राष्ट्रीय पातळीवरील स्पर्धेच्या बंगळूर गटात खेळत आहे. या गटातील अन्य एका सामन्यात केरळा ब्लास्टर्सने लिफ्फा त्रिवेंद्रम संघाला नमविले. एफसी गोवा आणि केरळा ब्लास्टर्स यांच्यातील सामना 29 एप्रिल रोजी बंगळूर फुटबॉल स्टेडियमवर खेळला जाईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com