FIFA World Cup: फीफा वर्ल्ड कप 2022 मध्ये पत्रकार निशाण्यावर ! कोणाला अटक तर...

FIFA World Cup 2022: FIFA विश्वचषक 2022 सुरु होऊन केवळ तीनच दिवस झाले आहेत. मात्र या दिवसांत कतारमधून पत्रकारांशी गैरवर्तन आणि चोरीच्या घटना समोर आल्या.
Grant Wahl
Grant WahlDainik Gomantak

Qatar FIFA World Cup 2022: FIFA विश्वचषक 2022 सुरु होऊन केवळ तीनच दिवस झाले आहेत. मात्र या दिवसांत कतारमधून पत्रकारांशी गैरवर्तन आणि चोरीच्या घटना समोर आल्या. या घटनांचे बळी अमेरिकन पत्रकार ग्रँट वाहल आणि अर्जेंटिनाची महिला रिपोर्टर डॉमिनिक मेट्झगर ठरले आहेत.

अमेरिकन पत्रकाराला अटक

कतारमधील (Qatar) अहमद बिन अली स्टेडियमवर सोमवारी रात्री उशिरा अमेरिका आणि वेल्स यांच्यात सामना झाला. या सामन्यादरम्यान सुरक्षा कर्मचार्‍यांनी अमेरिकन पत्रकार ग्रँट वाहल याला आत जाण्यापासून रोखले. अमेरिकन पत्रकाराने रेनबो टी-शर्ट घातला होता, हा टी-शर्ट समलिंगी समुदायाला (LGBTQ समुदाय) समर्थन देण्यासाठी परिधान केला जातो. हा टी-शर्ट कतारच्या नियमांविरुद्ध होता, त्यामुळे त्याला अटक करण्यात आली.

Grant Wahl
FIFA World Cup कव्हर करायला गेलेल्या महिला पत्रकाराला लुटले, VIDEO व्हायरल

महिला पत्रकाराची पर्स चोरीला गेली

अर्जेंटिनाची (Argentina) महिला रिपोर्टर डॉमिनिक मेट्झगर लाइव्ह शो करत असताना तिच्या हँडबॅगमधून काही वस्तू चोरीला गेल्या. या घटनेचा व्हिडिओही सोशल मीडियावर चांगलाच व्हायरल होत आहे. जेव्हा डॉमिनिक मेट्झगरने पोलिसांना याची माहिती दिली तेव्हा तिथेही तिच्याशी गैरवर्तन करण्यात आले. तिने सांगितले की, या घटनेनंतर पोलिसांनी त्यांची फक्त चौकशी केली.

Grant Wahl
FIFA World Cup England vs Iran: इंग्लंडचा इराणवर दणदणीत विजय, या 5 खेळाडूंची जादूई कमाल

कतार पोलिसांनी गैरवर्तन केले

या घटनेबाबत बोलताना डॉमिनिक मेट्झगर (Dominique Metzger) म्हणाली की, 'जेव्हा मी पोलिस ठाण्यात तक्रार दाखल करण्यासाठी गेले तेव्हा माझ्यावर सांस्कृतिक भेदभाव झाला. महिला पोलीस कर्मचाऱ्याने मला सांगितले की, आमच्याकडे सर्वत्र हायटेक कॅमेरे आहेत आणि आम्ही त्याला (चोराचा) चेहरा ओळखून शोधणार आहोत. तुम्हाला कोणता न्याय हवा आहे?' याआधी एका डॅनिश पत्रकाराला त्याच्या चॅनलचे रिपोर्टिंग करण्यापासून रोखण्यात आले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com