ISL Football : इंडियन सुपर लीग (ISL) फुटबॉल स्पर्धेच्या 2022-23 मोसमातील अंतिम लढत 18 मार्च रोजी होईल. त्यापूर्वी तीन मार्चपासून प्ले-ऑफ फेरीसाठी मैदानावर चुरस दिसेल. आयएसएल स्पर्धेच्या प्ले-ऑफ फेरीचे स्वरुप यंदापासून बदलण्यात आले आहे. स्पर्धेच्या इतिहासात प्रथमच प्ले-ऑफ फेरीसाठी सुरवातीचे सहा संघ पात्र ठरतील.
गुणतक्त्यातील पहिला व दुसरा संघ थेट उपांत्य फेरीत खेळेल, तर उपांत्य फेरीतील बाकी दोन जागांसाठी गुणतक्त्यातील तिसऱ्या ते सहाव्या क्रमांकावरील चार संघांत नॉकआऊट लढती होतील.
नॉकआऊट फेरी एकेरी पद्धतीने होईल, तर उपांत्य लढती दोन टप्प्यात खेळल्या जातील. आयएसएल अंतिम लढतीचे ठिकाण नंतर जाहीर होईल. कोविड-19 मुळे मागील मोसम बंद दरवाज्याआड खेळला गेला. तेव्हा अंतिम सामना फातोर्डा येथील पंडित जवाहरलाल नेहरू स्टेडियमवर झाला होता.
सध्या चार जागांसाठी चढाओढ
आयएसएल स्पर्धेच्या सध्याच्या साखळी गुणतक्त्यानुसार माजी विजेता मुंबई सिटी व गतविजेता हैदराबाद एफसी या संघांनी प्ले-ऑफसाठी पात्रता मिळविली आहे. अन्य चार जागांसाठी चढाओढ आहे.
प्ले-ऑफ फेरी वेळापत्रक
नॉकआऊट 1 : 3 मार्च : गुणतक्त्यातील चौथा विरुद्ध पाचवा संघ
- नॉकआऊट 2 : 4 मार्च: गुणतक्त्यातील तिसरा विरुद्ध सहावा संघ
- उपांत्य फेरी : पहिला टप्पा : 7 मार्च : गुणतक्त्यातील पहिला विरुद्ध नॉकआऊट 1 विजेता संघ
- उपांत्य फेरी : पहिला टप्पा : 9 मार्च : गुणतक्त्यातील दुसरा विरुद्ध नॉकआऊट 2 विजेता संघ
- उपांत्य फेरी : दुसरा टप्पा : 12 मार्च : नॉकआऊट 1 विजेता विरुद्ध गुणतक्त्यातील पहिला संघ
- उपांत्य फेरी : दुसरा टप्पा : 13 मार्च : नॉकआऊट 2 विजेता विरुद्ध गुणतक्त्यातील दुसरा संघ
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.