हरियाणा:फोगाट सिस्टरचं भारतीय महिला कुस्तीमध्ये मोठ नाव आहे. गीता फोगाट आणि बबिता फोगट यांनी स्वतःच्या खेळावर अभिमानास्पद कामगिरी करत भारताचे नाव मोठे केले आहे. या फोगाट सिस्टरची मामे बहिण रितिकाने सुद्धा कुस्तीमध्ये चांगली कामगिरी केली आहे. ती पण देशाचा अभिमान वाढवू इच्छित होती आणि त्यासाठी ती खूप मेहनत घेत होती.
कुस्तीतील रितिकाचा प्रवास छोटा होता. मात्र राज्यस्तरीय सब ज्युनियर स्पर्धेत पराभूत झाल्यानंतर तिने आत्महत्या केली. अशी माहिती दिली जात आहे, ही स्पर्धा भरतपूर येथे 12 ते 14 मार्च दरम्यान खेळली गेली होती.
14 मार्च रोजी अंतिम सामना खेळला गेला, त्यामध्ये रितिकाला एक गुण कमी मिळाल्याने हा सामना गमवावा लागला. या पराभवानंतर रितिका शॉकमध्ये गेली आणि त्यानंतर तीने आत्महत्येचा मार्ग स्वीकारला.
असे म्हटले जात आहे की त्या स्पर्धेत द्रोणाचार्य पुरस्कार जिंकणारा महावीर फोगटही उपस्थित होता. रितिकाने घरातील पंख्याला स्कार्फ बांधून स्वत: ला गळफास लावून घेतला. मीडिया रिपोर्टनुसार पोस्टमॉर्टमनंतर रितिकाचा मृतदेह कुटुंबीयांच्या ताब्यात देण्यात आला आहे, पोलिस अद्याप या प्रकरणाचा तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.