गोव्याच्या खेळाडूंची दुहेरी बॅडमिंटनमध्ये 'Bronze' पदकाची कमाई

पश्चिम विभाग आंतरराज्य बॅडमिंटन स्पर्धेत गोव्याच्या खेळाडूंनी दुहेरीत चमक दाखविली
Badmiton Players
Badmiton PlayersDainik Gomantak

Panjim: पश्चिम विभाग आंतरराज्य बॅडमिंटन स्पर्धेत (Western Division Interstate competition) गोव्याच्या खेळाडूंनी दुहेरीत चमक दाखविली. सीनियर, तसेच 19 वर्षांखालील ज्युनियर गटातील स्पर्धा महाराष्ट्रातील परभणी येथे झाली.

सांघिक गटात यजमान महाराष्ट्र, गुजरात, छत्तीसगडच्या खेळाडूंनी दबदबा राखला. सीनियर पुरुष एकेरीत गुजरातचा आंतरराष्ट्रीय खेळाडू प्रियांशू राजावत, तर महिलांत गुजरातची अदिता राव, तसेच 19 वर्षांखालील मुलांत छत्तीसगडचा रौनक चौहान विजेता ठरला. अदिता हिने 19 वर्षांखालील मुलींच्या एकेरीतही बाजी मारली.

Badmiton Players
MS Dhoni चा क्रिकेटसह टेनिसमध्येही रस, यूएस ओपनचा व्हिडीओ व्हायरल

दुहेरीत गोव्याच्या खेळाडूंनी उपांत्य फेरी गाठत ब्राँझपदकाची (Bronze Medal) कमाई केली. पुरुष दुहेरीत अर्जुन फळारी-तेजन फळारी, मुलांच्या दुहेरीत आर्यमान सराफ-यश हळर्णकर, मुलींच्या दुहेरीत अनार सिंगबाळ-नेहा सहकारी, मिश्र दुहेरीत तेजन फळारी-यास्मिन सय्यद यांनी उपांत्य फेरीपर्यंत धडक मारली.

Badmiton Players
Pune Half Marathon 2022 : यंदाचा तिसरा हंगाम, सोमवारी होणार पत्रकार परिषद

स्पर्धेतील गोव्याच्या कामगिरीविषयी गोवा बॅडमिंटन (Badmiton) संघटनेचे सचिव संदीप हेबळे यांनी सांगितले, की ‘‘आमच्या युवा खेळाडूंसाठी स्पर्धेतील अनुभव हा शिकण्याची योग्य प्रक्रिया ठरली. यश देसाई, अनीश कामत, आरोही कौठणकर, निशांत शेणई, अर्जुन फळारी यांच्यासह इतर उदयोन्मुख खेळाडूंची कामगिरी उत्साहवर्धक झाली. खेळाडूंना जास्त पदके मिळाली नाही, परंतु त्यांना देशातील उच्च मानांकित खेळाडूंविरुद्ध खेळण्याची संधी मिळाली, जेणेकरून आणखी मेहनत घेण्यासाठी ते प्रेरित बनले आहेत. एकंदरीत गोव्यातील बॅडमिंटनसाठी भवितव्य उज्ज्वल असल्याचे जाणवते.’’

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com