Goa Chess: कार्यकारी समितीत चौघे बिनविरोध

Goa Chess: अध्यक्षपदासाठी खासदार तेंडुलकर यांच्यासमोर कांदोळकर यांचे आव्हान
Goa chess Association
Goa chess AssociationDainik Gomantak

पणजीः राज्यसभेचे खासदार विनय तेंडुलकर (Vinay Tendulkar) यांच्या अध्यक्षपदाच्या उमेदवारी अर्जामुळे राजकीय रंग चढलेल्या गोवा बुद्धिबळ संघटना (Goa Chess Association) कार्यकारी समिती निवडणुकीत (Executive Committee Election) गुरुवारी चौघे जण बिनविरोध ठरले, तर तेंडुलकर यांच्यासमोर तिसवाडीचे महेश कांदोळकर यांनी आव्हान उभे केले आहे. मावळते अध्यक्ष वीजमंत्री नीलेश काब्राल यांनी निवडणुकीपासून दूर राहणेच पसंत केले. उत्तर गोव्यातील उपाध्यक्षपदाच्या दोन जागांसाठी तिसवाडीचे अरविंद म्हामल व डिचोलीचे सत्यवान हरमलकर, तर उत्तर गोव्यातील दोन संयुक्त सचिवपदासाठी पेडण्याचे ॲड. तुकाराम शेट्ये व सत्तरीचे कालिदास हरवळकर बिनविरोध ठरले आहेत.

Goa chess Association
Goa Chess: निवडणुकीत सात तालुक्यांत एकजूट

अध्यक्षपदासाठीच्या एका जागेसाठी विनय तेंडुलकर (धारबांदोडा) व महेश कांदोळकर (तिसवाडी) यांच्यात थेट लढत होईल. सचिवपदासाठी सासष्टीचे आशेष केणी व काणकोणचे शरेंद्र नाईक यांच्यात चुरस असेल, तर खजिनदारपदासाठी मावळते सचिव किशोर बांदेकर (मुरगाव) यांना सध्याचे खजिनदार विश्वास पिळर्णकर (बार्देश) यांचे आव्हान असेल. संयुक्त खजिनदारपदाच्या एका जागेसाठी बार्देशचे रामचंद्र परब व प्रेषित देसाई यांच्यात लढत होईल. दक्षिण गोव्यातील दोन उपाध्यक्षपदासाठी सहा अर्ज आहेत. यामध्ये किशोर देसाई (सांगे), सागर साकोर्डेकर (फोंडा), किशोर बांदेकर (मुरगाव), दामोदर जांबावलीकर (सासष्टी), समीर नाईक (केपे), शरेंद्र नाईक (काणकोण) यांचा समावेश आहे. दक्षिण गोव्यातील दोन संयुक्त सचिवपदासाठी पाच उमेदवारी अर्ज असून त्यात अमोघ नमशीकर (फोंडा), किशोर देसाई (सांगे), अनिल गावकर (धारबांदोडा), शरेंद्र नाईक (काणकोण) व समीर नाईक (केपे) हे उमेदवार आहेत. उमेदवारी अर्ज सादर करण्याचा गुरुवारी शेवटचा दिवस होता, येत्या मंगळवारपर्यंत (10) उमेदवारी अर्ज मागे घेता येतील. निवडणूक निर्णय अधिकारी सुभाष शिरोडकर यांनी उमेदवारी अर्ज स्वीकारले. एकापेक्षा जास्त जागेसाठी अर्ज भरलेल्यांत आशेष केणी यांनी अध्यक्ष व खजिनदारपदाचा, महेश कांदोळकर यांनी सचिव व खजिनदारपदाचा, विश्वास पिळर्णकर यांनी अध्यक्ष व सचिवपदाचा, तर दामोदर जांबावलीकर यांनी संयुक्त सचिवपदाचा अर्ज मागे घेतला.

Goa chess Association
Goa Chess: राज्य बुद्धिबळ संघटनेची निवडणूक 22 ऑगस्टला

दृष्टिक्षेपात निवडणूक...

- निवडणूक तारीख 22 ऑगस्ट, कार्यकारी समितीत एकूण 12 जागा

- 4 उमेदवार बिनविरोध, उत्तर गोवा उपाध्यक्ष व संयुक्त सचिव प्रत्येकी 2 पदे

- 8 जागांसाठी 19 उमेदवार निवडणूक रिंगणात

- अध्यक्ष, सचिव, खजिनदार, संयुक्त खजिनदारपदासाठी थेट लढत

- दक्षिण गोव्यात 2 उपाध्यक्षपदासाठी 6, तर 2 संयुक्त सचिवपदासाठी 5 उमेदवार

Goa chess Association
Goa Chess: ‘एक्झिट’ घेण्याच्या तयारीत बांदेकर

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com