गोव्याच्या क्रिकेट संघाचा प्रकाशझोतात सराव

 Goa cricket team practices for Syed Mushtaq Ali Trophy T20
Goa cricket team practices for Syed Mushtaq Ali Trophy T20


पणजी: आगामी सय्यद मुश्ताक अली करंडक टी-२० क्रिकेट स्पर्धेसाठी तयारी करणारा गोव्याचा संघ पर्वरी येथे प्रकाशझोतात सराव करणार आहे. गोव्याचे स्पर्धेतील दोन सामने फ्लडलाईटमध्ये होतील. गोव्याच्या संघातील संभाव्य क्रिकेटपटू सध्या पर्वरी येथे मुख्य प्रशिक्षक दोड्डा गणेश यांच्या मार्गदर्शनाखाली सराव करत आहे.

सय्यद मुश्ताक अली करंडक स्पर्धेत गोव्याचा एलिट ड गटात समावेश आहे. या गटातील सामने मध्य प्रदेशमधील इंदूर येथे १० जानेवारीपासून जैवसुरक्षा वातावरणात खेळले जातील. गोव्याचे पाचपैकी दोन सामने गोवा प्रकाशझोतात होतील. त्यामुळे इंदूरला रवाना होण्यापूर्वी पांढऱ्या चेंडूने प्रकाशझोतात काही सामने खेळविण्याचे गोवा क्रिकेट असोसिएशनने ठरविल्याचे सूत्राने सांगितले. हे सराव सामने या आठवड्यात खेळले जातील. यजमान मध्य प्रदेश, सेनादल, सौराष्ट्र, विदर्भ आणि राजस्थान हे गोव्याच्या गटातील अन्य संघ आहेत. गोव्याचा पहिला सामना १० जानेवारी मध्य प्रदेशविरुद्ध संध्याकाळी सात वाजल्यापासून प्रकाशझोतात होईल. याशिवाय १५ जानेवारीस सौराष्ट्रविरुद्ध गोवा प्रकाशझोतात खेळेल. याशिवाय १२ जानेवारीस सेनादलविरुद्ध, १६ जानेवारीस राजस्थानविरुद्ध, तर १८ जानेवारीस विदर्भविरुद्ध गोवा दुपारी १२ वाजल्यापासून सामना खेळेल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com