रॅपिड बुद्धिबळात एथन वाझ अजिंक्य

सासष्टी तालुका रॅपिड बुद्धिबळ स्पर्धा मडगाव येथील बीपीएस क्लब संकुलात संपन्न
रॅपिड बुद्धिबळात एथन वाझ अजिंक्य
Goa: सासष्टी तालुका रॅपिड बुद्धिबळ स्पर्धेतील पहिल्या तीन स्पर्धकांसमवेत मान्यवरDainik Gomantak

Goa: प्रतिभाशाली युवा बुद्धिबळपटू एथन वाझ (Chess player Ethan Vaz) याने झटपट बुद्धिबळातील (Rapid Chess) वरचष्मा कायम राखताना सासष्टी तालुका रॅपिड बुद्धिबळ स्पर्धेत (Sattari Taluka Rapid Chess Tournament) विजेतेपद मिळविले. स्पर्धेतील अखेरच्या डावात त्याने रुबेन कुलासो याला नमवून विजेतेपदावर शिक्कामोर्तब केले. स्पर्धा मडगाव येथील बीपीएस क्लब संकुलात झाली.

Goa: सासष्टी तालुका रॅपिड बुद्धिबळ स्पर्धेतील पहिल्या तीन स्पर्धकांसमवेत मान्यवर
IPL 2021: ...म्हणून सोडले कर्णधारपद, विराटचे स्पष्टीकरण

एथन याला विजेतेपदाबद्दल करंडक आणि 2000 रुपयांचे बक्षीस मिळाले. रुबेनला उपविजेतेपदावर समाधान मानावे लागले. व्हिवान बाळ्ळीकर याला तिसरा. आयुष शिरोडकरला चौथा, अथर्व कातकरला पाचवा, तर कविश बोरकरला सहावा क्रमांक मिळविला. साईराज वेर्णेकर, आलेक्स सिक्वेरा, तनाद बांदोडकर यांनाही बक्षीस मिळाले. पहिल्या दहा स्पर्धकांना एकूण 10,000 रुपयांचे रोख बक्षीस विभागून देण्यात आले. करंडक डेन्झिल कुलासो यांनी, उपाहार शिल्पा व सुनील बाळ्ळीकर यांनी पुरस्कृत केला होता.

Goa: सासष्टी तालुका रॅपिड बुद्धिबळ स्पर्धेतील पहिल्या तीन स्पर्धकांसमवेत मान्यवर
ऑस्ट्रेलियाचे टॉम मूडी देखील आहेत भारतीय प्रशिक्षक पदाच्या शर्यतीत

वयोगटात तेजस वेर्णेकर, अंकित शेट्टी, हेमांगी पेडणेकर, अश्विनी म्हात्रे (15 वर्षांखालील गट), व्हिन्सेंट फर्नांडिस, एड्रिक वाझ, सानी गावस, आर्या दाभोळकर (13 वर्षांखालील गट), साजन श्रेयस, सर्वांग पागी, राशेल परेरा, साईजा देसाई (11 वर्षांखालील गट), सत्यम फळ, शुभ बोरकर, दिया सावळ, जेन्सिना सिक्वेरा (9 वर्षांखालील गट), आरव प्रभुगावकर, आर्यन नाईक, स्कायला रॉड्रिग्ज, म्युरियल फर्नांडिस (7 वर्षांखालील गट) यांना बक्षीस मिळाले. व्हेटरन गटात प्रकाश इन्सुलकर व वीणा गोम्स यांना बक्षीस मिळाले.

Goa: सासष्टी तालुका रॅपिड बुद्धिबळ स्पर्धेतील पहिल्या तीन स्पर्धकांसमवेत मान्यवर
श्रृंगी, संजना, झेवियर, झिदानचे जलतरणात यश

स्पर्धेत 78 खेळाडूंनी भाग घेतला, त्यापैकी 28 मुली होत्या. आशेष केणी स्पर्धेचे मुख्य आर्बिटर, आशा शिरोडकर सहाय्यक आर्बिटर होत्या. बक्षीस वितरण बीपीएस स्पोर्टस क्लबचे अध्यक्ष संतोष जॉर्ज, सासष्टी तालुका बुद्धिबळ संघटनेचे अध्यक्ष आशेष केणी, उपाध्यक्ष दामोदर जांबावलीकर, सचिव सुनील बाळ्ळीकर, खजिनदार दिलीप वेर्णेकर यांच्या उपस्थितीत झाले. बीपीएस क्लबतर्फे लवकरच क्लब संकुलात बुद्धिबळ प्रशिक्षण वर्ग सुरू करण्याची माहिती संतोष जॉर्ज यांनी दिली.

Related Stories

No stories found.