Goa Football: गोव्याचे तेजस देशातील सर्वोत्कृष्ट फुटबॉल रेफरी

Goa Football: इंडियन सुपर लीग (आयएसएल) फुटबॉल स्पर्धेच्या सातव्या मोसमातील अंतिम लढतीतील मुख्य रेफरी या नात्याने तेजस यांनी जबाबदारी पेलली होती.
Goa Football: Tejas Nagvenkar
Goa Football: Tejas NagvenkarDainik Gomantak

पणजी ः गोमंतकीय फुटबॉल रेफरी (Football Referee) तेजस नागवेकर (Tejas Nagvenkar) यांची अखिल भारतीय फुटबॉल महासंघाने (All India Football Federation) 2020-2021 मधील देशातील सर्वोत्कृष्ट फुटबॉल रेफरी पुरस्कारासाठी निवड केली आहे. त्याबद्दल त्यांचे गोवा फुटबॉल असोसिएशनने (Goa Football Association) अभिनंदन केले आहे. इंडियन सुपर लीग (Indian Super League) फुटबॉल स्पर्धेच्या सातव्या मोसमातील अंतिम लढतीतील मुख्य रेफरी या नात्याने तेजस यांनी जबाबदारी पेलली होती. फातोर्डा येथील पंडित जवाहरलाल नेहरू स्टेडियमवर यावर्षी 13 मार्च रोजी झालेल्या मुंबई सिटी आणि एटीके मोहन बागान यांच्यातील अंतिम लढतीत तेजस मुख्य रेफरी होते. त्यामुळे तेजस यांना आयएसएल स्पर्धेच्या अंतिम लढतीत पंचगिरी करणारे पहिले भारतीय रेफरी हा मान मिळाला होता. फिफाची मान्यता असलेले तेजस हे सध्याचे एकमेव गोमंतकीय फुटबॉल रेफरी आहेत.

Goa Football: Tejas Nagvenkar
Sports: गोव्याची महिला फुटबॉलपटू मिशेलला एएफसी स्पर्धेची संधी

देशातील उत्कृष्ट फुटबॉल रेफरी पुरस्कारासाठी निवड झाल्याबद्दल तेजस यांचे गोवा फुटबॉल असोसिएशनचे अध्यक्ष आमदार चर्चिल आलेमाव यांनी अभिनंदन केले आहे. तेजस यांनी गोमंतकीयांसाठी अभिमानास्पद कामगिरी बजावली आहे. ``ही फार मोठी मान्यता आहे. तेजस यांनी यश प्राप्त करताना मेहनत, चिकाटी प्रदर्शित केली आहे,`` असे आलेमाव यांनी गोमंतकीय रेफरीस शाबासकी देताना सांगितले. जीएफए रेफरी व सहाय्यक रेफरी समितीचे अध्यक्ष ग्रेगरी डिसोझा, समितीचे सदस्य मॉरिसियो आल्मेदा, फ्रँकी फर्नांडिस यांनी अभिनंदन केले आहे.

Goa Football: Tejas Nagvenkar
Indian Super League: ग्लॅन मार्टिन्सवर एफसी गोवाचा पूर्ण विश्वास

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com