Goa Football: सॅनसन परेरा एफसी गोवासाठी महत्त्वाचा खेळाडू

Goa Football: पहिल्याच मोसमात प्रभावी ठरलेल्या बचावपटूशी 2024 पर्यंत करार
Goa Football: Sanson Pereira
Goa Football: Sanson PereiraDainik Gomantak

पणजी : गतमोसमात फुटबॉल (Football) बचावपटू सॅनसन परेरा (Sanson Pereira) एफसी गोवासाठी (FC Goa) महत्त्वाचा खेळाडू ठरला, त्यामुळेच त्याच्या करारात आणखी तीन वर्षांसाठी वाढ झाली आहे. क्लबने त्याला गुरुवारी 2024 पर्यंत करारबद्ध केले.सॅनसन एफसी गोवा संघात गतवर्षी दाखल झाला. त्यानंतर पहिल्याच मोसमात त्याने प्रभावी कामगिरी बजावली. 2020-21 मोसमातील उत्तरार्धात तो एफसी गोवासाठी प्रमुख खेळाडू ठरला. एएफसी चँपियन्स लीग फुटबॉल स्पर्धेतील एफसी गोवाच्या सहाही सामन्यांत 23 वर्षीय लेफ्ट-बॅक खेळाडूने स्टार्ट मिळविला आणि अशी कामगिरी करणारा तो क्लबचा एकमेव खेळाडू ठरला. याशिवाय इंडियन सुपर लीग (Indian Super League) स्पर्धेत तो चार सामने खेळला.

Goa Football: Sanson Pereira
Indian Super League: फुटबॉलसाठी गोवा सुरक्षित!

``एफसी गोवासोबतच्या पहिल्याच मोसमात मैदानावर, तसेच मैदानाबाहेर खूप प्रगती साधता आली. देशातील काही सर्वोत्कृष्ट खेळाडूंबरोबर खेळण्याची संधी लाभली. हुआन फेरांडोसारख्या जबरदस्त प्रशिक्षकाच्या मार्गदर्शनाखाली मेहनत घेता आली. त्याचा लाभ स्वतःत नवा परिमाण शोधण्यात झाला,`` अशी प्रतिक्रिया सॅनसनने एफसी गोवाच्या करारपत्रावर सही केल्यानंतर सांगितले. येत्या काही वर्षांत आणखी मोठा प्रभाव पाडण्याचे ध्येय त्याने बाळगले आहे. ``सॅनसनने पहिल्याच मोसमात प्रभावी कामगिरी बजावली. तो एक सच्चा व्यावसायिक असून संपूर्ण मोहिमेत त्याने चांगला दृष्टीकोन प्रदर्शित केला. तो शिकण्यास इच्छुक असतो आणि प्रत्येक दिवशी चांगल्या कामगिरीसाठी प्रयत्नशील असतो,`` असे एफसी गोवाचे प्रशिक्षक हुआन फेरांडो यांनी सॅनसन याच्याविषयी सांगितले. या वर्षी एफसी गोवाने करार वाढविलेला सॅनसन हा तिसरा फुटबॉलपटू आहे. ब्रँडन फर्नांडिस व ग्लॅन मार्टिन्स यांची करार मुदत यापूर्वीच वाढविण्यात आली आहे.

Goa Football: Sanson Pereira
गोव्यातील फुटबॉलपटूंना रोजगाराची संधी

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com