तमिळनाडू विरुद्धही गोव्याचा पराभव

स्पर्धेत गोव्याचा पाच लढतींमधील चौथा पराभव
तमिळनाडू विरुद्धही गोव्याचा पराभव
Captain Ibtisam ShaikhDainik Gomantak

पणजी: गोव्याची कर्णधार इब्तिसाम शेख (Captain Ibtisam Shaikh) हिने लढवय्या पारी साकारताना ४६ धावांची खेळी केली. १९ वर्षांखालील मुलींच्या (U-19 women's cricket) एकदिवसीय क्रिकेट स्पर्धेच्या एलिट ब गटातील तमिळनाडूविरुद्धच्या पराभवात गोव्याला (Goa Cricket Association) तेवढाच काय तो दिलासा मिळाला.

जामठा-नागपूर येथील विदर्भ क्रिकेट असोसिएशनच्या (GCA) स्टेडियमवर सोमवारी तमिळनाडूने (Tamil Nadu) गोव्याला पाच विकेट्स राखून सहजपणे नमविले. स्पर्धेतील गोव्याचा हा पाच लढतीतील चौथा पराभव ठरला. त्यामुळे गोवा संघ केवळ दोन गुणांसह शेवटच्या क्रमांकावर राहिले.

Captain Ibtisam Shaikh
रॅपिड बुद्धिबळ स्पर्धेत ऋत्विजने जेतेपदावर केला शिक्कामोर्तब

गोव्याने स्पर्धेत प्रथमच शतकी वेस ओलांडताना ८ बाद ११३ धावा केल्या. त्यात सलामीच्या इब्तिसाम हिने तनया नाईक (३४) हिच्यासह तिसऱ्या विकेटसाठी केलेली ६१ धावांची भागीदारी महत्त्वपूर्ण ठरली. या दोघींचा अपवाद वगळता गोव्याच्या इतर फलंदाज दुहेरी धावसंख्या देखील गाठू शकल्या नाहीत.

तमिळनाडूने २७.४ षटकांत ५ बाद ११४ धावा करून सामना सहजरित्या खिशात टाकला. तामिळनाडूच्या एम. एस. ऐश्वर्या हिने नाबाद ४६, तर सलामीच्या सी.सुशांतिका हिने ३९ धावा केल्या. गोव्यातर्फे तानिया पवार हिने दोन गडी बाद केले.

Related Stories

No stories found.