Professional League Football प्रोफेशनल लीग फुटबॉल स्पर्धेत अगोदरचे दोन्ही सामने निसटत्या फरकाने गमावल्यानंतर पणजी फुटबॉलर्सने मंगळवारी पहिल्या गुणाची कमाई केली. त्यांनी गार्डियन एंजल स्पोर्टस क्लबला 1-1 असे बरोबरीत रोखून गुण विभागून घेतला.
म्हापसा येथील धुळेर स्टेडियमवर सामना झाला. तीन सामने खेळल्यानंतर पणजी फुटबॉलर्सचा आता एक गुण झाला आहे, तर अगोदरचे दोन्ही सामने जिंकलेल्या गार्डियन एंजलचे आता तीन लढतीनंतर सात गुण झाले आहेत.
सामन्याच्या पूर्वार्धात गोलरक्षक प्रेस्टन रेगो याने पेनल्टी फटक्याला गोलनेटची अचूक दिशा दाखविल्यामुळे पणजी फुटबॉलर्सचा आघाडी मिळाली.
नंतर सामन्यातील पाच मिनिटे बाकी असताना जॉयविन कॉस्ता याच्या गोलमुळे गार्डियन एंजलला स्पर्धेतील अपराजित मालिका कायम राखता आली.
पणजी फुटबॉलर्सने मिळालेल्या संधी साधल्या असत्या, तर त्यांना स्पर्धेतील पहिला विजय नोंदविणे शक्य झाले असते. गार्डियन एंजल क्लबचा अक्रम यादवड सामन्याचा मानकरी ठरला.
स्पर्धेत बुधवारी (ता. १३) वास्को स्पोर्टस क्लब व सेझा फुटबॉल अकादमी यांच्यात धुळेर स्टेडियमवर सामना होईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
