Goa Police Cup Football स्पर्धेत धेंपो, एफसी गोवा उपांत्य फेरीत !

धेंपो, एफसी गोवा उपांत्य फेरीत
Goa Police Cup Football : धेंपो स्पोर्टस क्लबच्या डॅरेल मस्कारेन्हास याला सामना पुरस्कार देताना मान्यवर.
Goa Police Cup Football : धेंपो स्पोर्टस क्लबच्या डॅरेल मस्कारेन्हास याला सामना पुरस्कार देताना मान्यवर.Dainik Gomantak

पणजी: धेंपो स्पोर्टस क्लब , एफसी गोवा (FC Goa) संघाने शनिवारी 17 व्या गोवा पोलिस कप (Goa Police Cup Football) फुटबॉल स्पर्धेच्या उपांत्य फेरीत प्रवेश केला. नावेली येथील रोझरी मैदानावर धेंपो क्लबने वास्को स्पोर्टस क्लबला 3-1 फरकाने हरविले. पर्रा येथील मैदानावर एफसी गोवा संघाने सेझा फुटबॉल अकादमीसही 3-1 फरकाने नमविले.

Goa Police Cup Football : धेंपो स्पोर्टस क्लबच्या डॅरेल मस्कारेन्हास याला सामना पुरस्कार देताना मान्यवर.
रायझिंगच्या नरकासुर प्रतिमा स्पर्धेत भावकई प्रथम

वास्को क्लबविरुद्ध धेंपो क्लब विश्रांतीला दोन गोलने आघाडीवर होता. आल्बर गोन्साल्विसने 33 व्या मिनिटास धेंपो क्लबला आघाडी मिळवून दिली, नंतर पूर्वार्धाच्या भरपाई वेळेत लतेश मांद्रेकर याने संघाच्या खाती दुसऱ्या गोलची भर टाकली. 79 व्या मिनिटास कुलदीप कुमार याने वास्को क्लबची पिछाडी एका गोलने कमी केली. 81 व्या गौरव वायगणकर याने धेंपो क्लबच्या विजयावर शिक्कामोर्तब करणारा गोल नोंदविला. सामना संपण्यास चार मिनिटे बाकी असताना वास्को क्लबच्या कुलदीप कुमार याला सामन्यातील दुसरे यलो कार्ड मिळाले, त्यामुळे या संघाचा एक खेळाडू कमी झाला. विजयी धेंपो संघाचा कर्णधार डॅरेल मस्कारेन्हास सामन्याचा मानकरी ठरला.

Goa Police Cup Football : धेंपो स्पोर्टस क्लबच्या डॅरेल मस्कारेन्हास याला सामना पुरस्कार देताना मान्यवर.
गोव्याच्या महिलांचे आव्हान संपुष्टात ; पावसाच्या आगमनानंतर पंजाबचा 17 धावांनी विजय!

सेझा अकादमीविरुद्ध पूर्वार्धातील खेळात एफसी गोवा संघ 3-1 फरकाने आघाडीवर होता. रिझबन फर्नांडिसने सातव्या मिनिटास सेझा अकादमीस आघाडी मिळवून दिली. 23 व्या मिनिटास वासीम इनामदार याने बरोबरीचा गोल नोंदविल्यानंतर 43 व्या मिनिटास ब्रिसन फर्नांडिसने एफसी गोवास 2-1 असे वर्चस्व मिळवून दिले. 45+1 व्या मिनिटास लालरेमरुआता याने एफसी गोवाची आघाडी आणखीनच बळकट केली. एफसी गोवाचा आयव्हन कॉस्ता सामन्याचा मानकरी ठरला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com