Goa Professional Footbal League: गोवा प्रोफेशनल लीग फुटबॉल स्पर्धेत सेझा फुटबॉल अकादमी व चर्चिल ब्रदर्सने गुरुवारी विजयाचे पूर्ण तीन गुण प्राप्त केले. त्यांनी अनुक्रमे पणजी फुटबॉलर्स व गार्डियन एंजल स्पोर्टस क्लबला हरविले.
मापुईया (लाल्खॉपुईमाविया) याने नागोवा येथील मैदानावर चार गोल केले. त्यामुळे चर्चिल ब्रदर्सने गार्डियन एंजल स्पोर्टस क्लबचा ६-१ फरकाने धुव्वा उडविला. मापुईया याने अनुक्रमे ६४, ६५, ७०, ९०+३ व्या मिनिटास गोल केला. तोच सामनावीर ठरला.
याशिवाय ज्योबर्न कार्दोझ याने ४४व्या, तर जॉर्ज डिसोझा याने ८६व्या मिनिटास प्रत्येकी एक गोल केला. गार्डियन एंजलचा एकमात्र गोले ४५+१व्या मिनिटास जॉयविन कॉस्ता याने नोंदविला.
मोठ्या विजयासह आता चर्चिल ब्रदर्स संघ अग्रस्थानी आला आहे. त्यांचे व धेंपो क्लबचे समान १२ गुण झाले आहेत, मात्र चर्चिल ब्रदर्सची गोलसरासरी +१० अशी सरस असून +७ गोलसरासरीसह धेंपो क्लब दुसऱ्या स्थानी आहे.
गार्डियन एंजल संघाला सलग सातवा पराभव पत्करावा लागला. त्यांनी स्पर्धेत आतापर्यंत सर्वाधिक ३१ गोल स्वीकारण्याची नामुष्की त्यांच्यावर आली आहे.
कुणाल, क्लेन्सियोचे गोल
म्हापसा येथील धुळेर स्टेडियमवर सामनावीर कुणाल साळगावकर (२०वे मिनिट) व बदली खेळाडू क्लेन्सियो पिंटो (८८वे मिनिट) यांनी नोंदविलेल्या प्रत्येकी एका गोलच्या बळावर सेझा फुटबॉल अकादमीने पणजी फुटबॉलर्सला २-० असे हरविले. सेझा अकादमीचे आता पाच लढतीनंतर आठ गुण झाले असून पणजी फुटबॉलर्सचे सहा सामन्यानंतर आठ गुण कायम राहिले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
