पणजी : वास्को स्पोर्टस क्लबने गोवा प्रोफेशनल लीग फुटबॉल स्पर्धेत शनिवारी पूर्ण तीन गुणांची कमाई करताना चर्चिल ब्रदर्सवर 2-0 फरकाने सहज मात केली. सामना म्हापसा येथील धुळेर स्टेडियमवर झाला. मुख्य संघ कोलकाता येथे आय-लीग स्पर्धेत खेळत असल्याने गतविजेत्या चर्चिल ब्रदर्सने प्रोफेशनल लीग स्पर्धेत राखीव फळीतील खेळाडूंचा संघ उतरविला आहे.
ज्योकिम अब्रांचिस व फ्रान्सिस फर्नांडिस या अनुभवी खेळाडूंचा समावेश असलेल्या वास्को क्लबचे लढतीत पारडे जड राहिले. वास्कोच्या संघासाठी पहिला गोल नवव्या मिनिटास ज्योकिम अब्रांचिस याने नोंदविला. नंतर 69व्या मिनिटास मॅथ्यू कुलासो याने वास्कोची आघाडी मजबूत केली. चर्चिल ब्रदर्सच्या माविन बोर्जिस याचा पूर्वार्धातील फटका गोलरक्षक संजू थापा याने अडविल्यामुळे वास्को क्लबला क्लीन शीट राखता आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.