Bronz For Goa In Beach Volleyball: पणजी : गुजरातमधील ३६ व्या राष्ट्रीय क्रीडा स्पर्धेत पुरुषांच्या बीच व्हॉलिबॉल स्पर्धेत गोव्याला रविवारी ब्राँझपदकाचे समाधान लाभले. राम (पप्पू) धावसकर व अॅरोन परेरा या जोडीने तिसऱ्या क्रमांका साठीच्या लढतीत गोव्याच्याच नितीन सावंत व सर्वेश नाईक जोडीवर २१-१९, २१-१४ असा विजय मिळविला.
गोव्याचे हे स्पर्धेतील एकूण तिसरे ब्राँझपदक ठरले. सूरतमधील दुमास समुद्रकिनारी बीच व्हॉलिबॉल स्पर्धा झाली. रविवारी सकाळी उपांत्य फेरीत गोव्याच्या दोन्ही जोड्या पराभूत झाल्या. त्यामुळे त्यांना ब्राँझपदकाच्या लढतीत खेळावे लागले.
उपांत्य फेरीत राम-अॅरोन जोडीवर तेलंगणाच्या जोडीने २१-१५, १६-२१, १५-८ फरकाने मात केली, तर आंध्र प्रदेशच्या जोडीने नितीन-सर्वेश जोडीस २२-२०, २१-१९ असे हरविले. यामुळे स्पर्धेत सुवर्ण किंवा रौप्यपदक जिंकण्याचे गोव्याचे स्वप्न भंगले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
