गोकुळम केरळास संघाने चर्चिल ब्रदर्सला दिली कडवी झुंज

आय-लीग ः गतविजेते सलग 19, तर गोव्यातील संघ आठ लढती अपराजित
गोकुळम केरळास संघाने चर्चिल ब्रदर्सला दिली कडवी झुंज
Gokulam beat Kerala Churchill Brothers in I-League Football TournamentDainik Gomantak

पणजी : आय-लीग फुटबॉल स्पर्धेत सध्या अव्वल स्थानी असलेल्या गतविजेत्या गोकुळम केरळा संघाला गोव्याच्या चर्चिल ब्रदर्सने शनिवारी 1-1 असे गोलबरोबरीत रोखले. विजेतेपद फेरीतील सामना कोलकाता येथील कल्याणी स्टेडियमवर झाला.

गोकुळम केरळा संघ यंदा स्पर्धेत सलग 14, तर एकंदरीत 19 सामने अपराजित आहे. विजेतेपदासाठी दावेदार असलेल्या या संघाने यावेळच्या स्पर्धेत 10 विजय नोंदवले असून चार लढती बरोबरीत राखल्या आहेत. चर्चिल ब्रदर्सने बरोबरीत रोखले, तरी 34 गुणांसह त्यांचे अग्रस्थान कायम राहिले.

Gokulam beat Kerala Churchill Brothers in I-League Football Tournament
CSK ची मोठी घोषणा, रवींद्र जडेजाने सोडले कर्णधारपद

यंदा स्पर्धेत चर्चिल ब्रदर्स संघ आता आठ सामने अपराजित आहे. सलग पाच लढती जिंकल्यानंतर शनिवारी त्यांना बरोबरीच्या एका गुणावर समाधान मानावे लागले. त्यांचे 14 लढतीनंतर 24 गुण झाले आहेत.

नायजेरियन आघाडीपटू केनेथ इकेचुक्वू याने 15 व्या मिनिटास चर्चिल ब्रदर्सला आघाडी मिळवून दिली. रिचर्ड कॉस्ताच्या शानदार क्रॉसपासवर त्याने माजी विजेत्यांच्या खाती गोलची भर टाकली. 38 व्या मिनिटास जमैकन खेळाडू जॉर्डेन फ्लेचर याच्या गोलमुळे गोकुळम केरळास पिछाडी भरून काढता आली. महंमद जासिम याने मैदानाच्या उजव्या भागातून दिलेल्या क्रॉसपासवर फ्लेचरने गोलक्षेत्रातून सणसणीत फटक्यावर चेंडूस अचूक दिशा दाखवली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.