Gujarat Gaints
Gujarat GaintsDainik Gomantak

Gujarat Giants टीमला तगडा झटका! कॅप्टनच WPL 2023 मधून बाहेर, आता 'ही' खेळाडू घेणार जागा

गुजरात जायंट्सची कर्णधार उर्वरित WPL 2023 हंगामातून बाहेर झाली आहे.

Beth Mooney ruled out of WPL 2023: भारतात सध्या वूमन्स प्रीमियर लीग स्पर्धेचा पहिला हंगाम खेळवला जात आहे. दरम्यान, पहिल्याच आठवड्यानंतर गुजरात जायंट्स संघाला तगडा झटका लागला आहे. त्यांच्या संघाची कर्णधार बेथ मुनी उर्वरित डब्ल्यूपीएल 2023 स्पर्धेतून बाहेर झाली आहे.

मुनीला 4 मार्च रोजी या स्पर्धेच्या पहिल्याच सामन्यात मुंबई इंडियन्सविरुद्ध फलंदाजी करत असताना गुडघ्याला दुखापत झाली. याच दुखापतीमुळे ती फलंदाजी करत असतानाच रिटायर्ड हर्ट देखील झाली होती. या सामन्यात गुजरातला तब्बल 143 धावांनी पराभवाचा सामना करावा लागला.

या सामन्यानंतर मुनी गुजरातकडून पुढील दोन सामने खेळली नाही. अखेर तिची दुखापत गंभीर असल्याने ती या स्पर्धेतूनच बाहेर झाली असून आता पुढील उपचारांसाठी ऑस्ट्रेलियाला परतेल.

Gujarat Gaints
WPL 2023: कोण आहे मुंबई इंडियन्सची सायका इशक? 2 मॅचमध्ये धाकड कामगिरीसह घेतली पर्पल कॅप

दक्षिण आफ्रिकेच्या 23 वर्षीय खेळाडूला संधी

आता गुजरात जायंट्सच्या संघात मुनीच्या जागेवर दक्षिण आफ्रिकेची २३ वर्षीय फलंदाज लॉरा वोल्वार्डची बदली खेळाडू म्हणून निवड करण्यात आली आहे. लॉरा वोल्वार्ड सध्या पाकिस्तानमध्ये वूमन्स लीग प्रदर्शनीय सामने खेळण्यासाठी गेली होती. पण आता तिला डब्ल्यूपीएल स्पर्धेसाठी या सामन्यांमधून सुपर वूमन संघातून मुक्त करण्यात आले आहे.

तसेच आता गुजरातचे नेतृत्व भारताची स्नेह राणा करणार आहे. तसेच उपकर्णधारपद ऍश्ले गार्डनरला सोपवण्यात आले आहे.

Gujarat Gaints
WPL 2023: रॉयल चॅलेंजर्स बंगळुरुचा सलग तिसरा पराभव, गुजरात जायंट्सचा 11 धावांनी विजय

दुरून पाठिंबा देत राहिल - मुनी

मुनीने ती स्पर्धेतून बाहेर पडल्यानंतर म्हटले आहे की 'मी खरंच पहिला डब्ल्यूपीएल हंगाम खेळण्यासाठी उत्सुक होते. पण दुर्दैवाने दुखापती खेळाचा भाग आहेत आणि मला वाईट वाटत आहे की मी उर्वरित हंगामाला मुकणार आहे.'

'पण मी संघाच्या कामगिरीवर दुरूनही लक्ष ठेवणार आहे आणि मी प्रत्येक दिवशी संघाला प्रोत्साहन देत राहिल. मी या हंगामात जरी मैदानातून दूर झाली असले तरी मी पुढच्या हंगामात आणखी मजबूतीने, तंदुरुस्तीसह आणि धावांच्या भुकेसह दमदार पुनरागमन करण्याचा प्रयत्न करेल.'

मुनीला गुजरात जायंट्सने लिलावात 2 कोटी रुपयांना खरेदी केले होते. तिने नुकतेच गेल्या महिन्यात झालेल्या महिला टी20 वर्ल्डकपच्या अंतिम सामन्यात दक्षिण आफ्रिकेविरुद्ध नाबाद 74 धावांची खेळी केली होती. ती त्या सामन्यातील सर्वोत्तम खेळाडूही ठरली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com