India vs Sri Lanka: विराट पुन्हा ठरला गुवाहाटीचा 'किंग'! रेकॉर्ड्स पाहून व्हाल थक्क

गुवाहाटी विराटसाठी लकी ठरताना दिसत आहे.
Virat Kohli Century
Virat Kohli CenturyDainik Gomantak

Virat Kohli: भारत विरुद्ध श्रीलंका संघात गुवाहाटीमधील बारसपारा क्रिकेट स्टेडियमवर वनडे मालिकेतील पहिला सामना मंगळवारी खेळवला गेला. या सामन्यात भारताचा दिग्गज फलंदाज विराट कोहलीने शतकी खेळी केली. त्यामुळे विराटसाठी गुवाहाटी लकी ठरत असल्याचे दिसून आले.

विराटने या सामन्यात 87 चेंडूत 113 धावा केल्या. ही खेळी करताना 12 चौकार आणि 1 षटकार मारला. हे विराटचे आंतरराष्ट्रीय क्रिकेटमधील 73वे शतक आहे. दरम्यान, गुवाहाटीमध्ये केलेले हे त्याचे तिसरे वनडे शतक ठरले आहे.

(Virat Kohli 3rd ODI Century at Guwahati)

Virat Kohli Century
IND vs SL: जिंकलंस रे भावा! 73 वे शतक ठोकताच विराटचं नव्या वर्षात 'ग्रँड सेलिब्रेशन', Video व्हायरल

विराटने आत्तापर्यंत गुवाहाटीमध्ये तीन वनडे सामने खेळले आहेत. यातील दोन सामने त्याने गुवाहाटीमधील बारसपारा क्रिकेट स्टेडियमवर आणि एक सामना नेहरू स्टेडियमवर खेळला आहे. विशेष म्हणजे या तिन्ही सामन्यात त्याने शतकी खेळी केली.

त्याने नेहरु स्टेडियमवर 28 नोव्हेंबर 2010 रोजी न्यूझीलंडविरुद्ध 105 धावांची खेळी केली होती. त्यानंतर त्याने 21 ऑक्टोबर 2018 रोजी बारसपारा क्रिकेट स्टेडियमवर झालेल्या सामन्यात 140 धावांची खेळी केली होती.

त्यानंतर आता त्याने मंगळावारी श्रीलंकेविरुद्ध झालेल्या सामन्यातही शतक केले आहे. त्यामुळे या आकडेवारीवरून विराटसाठी गुवाहाटी भाग्यशाली ठरत असल्याचे सिद्ध होत आहे.

Virat Kohli Century
India vs Sri Lanka: किंग कोहलीचा 'विराट' पराक्रम! शतकी खेळीसह मास्टर-ब्लास्टरच्या वर्ल्ड रेकॉर्डची बरोबरी

विराटने त्याचे आंतरराष्ट्रीय क्रिकटमधील 73 वे शतक करताना वनडे क्रिकेटमध्ये 12500 धावांचा टप्पाही पार केला. तो हा टप्पा पार करणारा भारताचा सचिन तेंडुलकर नंतरचा दुसराच खेळाडू ठरला आहे. त्याने 266 वनडेत 57.72 च्या सरासरीने 12584 धावा केल्या आहेत.

त्याच्याशिवाय मंगळवारी भारताकडून रोहित शर्माने 83 धावांची खेळी केली, तसेच शुभमन गिलने 70 धावांची खेळी केली. त्यामुळे भारताने या सामन्यात प्रथम फलंदाजी करताना 50 षटकांत 7 बाद 373 धावा केल्या. श्रीलंकेकडून कसून रजिताने सर्वाधिक 3 विकेट्स घेतल्या.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com