घड्याळांच्या टॅक्स चोरीबाबत हार्दिकचे स्पष्टीकरण,'मी स्वत: शुल्कभरण्यासाठी गेलो'
घड्याळांच्या टॅक्स चूकवेप्रकरणी Hardik Pandya चे स्पष्टीकरण Dainik Gomantak

घड्याळांच्या टॅक्स चोरीबाबत हार्दिकचे स्पष्टीकरण,'मी स्वत: शुल्कभरण्यासाठी गेलो'

घड्याळांची किंमत पाच कोटी नसून दीड कोटी रुपये असल्याचे त्याने सांगितले आहे. हार्दिकने (Hardik Pandya) याबाबत एक निवेदन जारी करून स्पष्टीकरण दिले आहे.

भारतीय क्रिकेटपटू हार्दिक पांड्याने (Hardik Pandya) दुबईहून पाच कोटी रुपयांची घड्याळे आणून सीमाशुल्क विभागाने (Customs Department) ही घड्याळे जप्त केल्याचा दावा करण्यात आला. याप्रकरणी आता हार्दिक पांड्याचे वक्तव्य समोर आले आहे. त्याने हे सर्व आरोप फेटाळून लावले आहेत. घड्याळे (Watches) जप्त करण्यात आलेली नसून तो सीमा शुल्काच्या मूल्यांकनासाठी तेथे गेला होता असे हार्दिकचे म्हणणे आहे. घड्याळांची किंमत पाच कोटी नसून दीड कोटी रुपये असल्याचे त्याने सांगितले आहे. हार्दिकने याबाबत एक निवेदन जारी करून स्पष्टीकरण दिले आहे.

घड्याळांच्या टॅक्स चूकवेप्रकरणी Hardik Pandya चे स्पष्टीकरण
कस्टम विभागाकडून हार्दिक पांड्या क्लिन बोल्ड

यामध्ये हार्दिक पांड्याने सांगितले की, मी स्वत: ही घड्याळे सीमाशुल्क विभागाला दिली होती. ती जप्त करण्यात आलेले नाहीत. त्यांनी घड्याळांची बिले व इतर कागदपत्रेही कस्टमला दिली आहेत. घड्याळांची कस्टम ड्युटी भरण्यास मी तयार आहे. मात्र अद्यापपर्यंत वस्तूंचे संपूर्ण मूल्यांकन सीमाशुल्क विभागाने केलेले नाही. 15 नोव्हेंबरला सकाळी दुबईहून आल्यावर मी माझे सामान घेतले आणि स्वतः मुंबई विमानतळावरील कस्टम काउंटरवर जाऊन माझ्या खरेदी केलेल्या वस्तूंची माहिती देत आवश्यक ती कस्टम ड्युटी भरली.

घड्याळांच्या टॅक्स चूकवेप्रकरणी Hardik Pandya चे स्पष्टीकरण
T20 World Cup: ऑस्ट्रेलियाला विश्वचषक जिंकून देण्यात 'या' भारतीय खेळाडूचा मोलाचा वाटा

मुंबई विमानतळावरील माझ्या माहितीबाबत सोशल मीडियावर चुकीची माहिती मांडण्यात आली असून, जे काही घडले ते मला स्पष्ट करायचे आहे. दुबईतून मी कायदेशीर मार्गाने खरेदी केलेल्या मालाची मी स्वतः माहिती दिली आणि जे काही शुल्क असेल ते भरण्यास मी तयार आहे. या वेळी कस्टम विभागाने खरेदीशी संबंधित सर्व कागदपत्रे मागितली आणि ती मी दिली. मात्र, सीमा शुल्क विभाग वस्तूंचे मूल्यमापन करत असून त्यावर जो काही कर असेल तो मी भरेन असे मी आधीच सांगितले आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com