I-League: सेझा अकादमीच्या शोईबशी गोकुळम केरळाचा करार

पणजीः गोव्यातील (Goa) सेझा फुटबॉल अकादमीत (Sesa Football Academy) प्रशिक्षित झालेल्या शोईब अख्तर (Shoib Akhtar) याला आगामी आय-लीग (I-League) फुटबॉल स्पर्धेसाठी गोकुळम केरळा एफसीने (Gokulam Kerala FC) करारबद्ध केले आहे. 2017-2020 या कालावधीत तो सेझा अकादमीच्या अखिल भारतीय पातळीवरील पहिल्या तुकडीत होता.

मूळ मणिपूरच्या (Manipur) शोईबने 2018-19 मोसमात सेझा फुटबॉल अकादमीचे गोवा प्रो-लीग, तसेच एलिट लीग फुटबॉल स्पर्धेत प्रतिनिधित्व केले होते. 2020-21 मोसमात तो नेरोका एफसीतर्फे आय-लीग फुटबॉल स्पर्धेत 10 सामने खेळला होता. गोकुळम केरळा एफसीने करारबद्ध केल्याबद्दल वेदांता स्पोर्टसचे अध्यक्ष अनन्य अगरवाल यांनी शोईबचे अभिनंदन केले आहे. देशभरातील क्रीडा विकासासाठी वेदांता स्पोर्टस कटिबद्ध आहे. सेझा फुटबॉल अकादमीच्या माजी प्रशिक्षणार्थीच्या यशाचे साक्षीदार होणे आनंददायी असल्याचे अगरवाल यांनी नमूद केले.