ICC World Test Championship Final: आयसीसीने (ICC) बुधवारी एक मोठी घोषणा केली आहे. या घोषणेमध्ये 'द ओव्हल' आणि 'लॉर्ड्स' वर अनुक्रमे 2023 आणि 2025 मध्ये होणार्‍या वर्ल्ड टेस्ट चॅम्पियनशिप (WTC) फायनलचे आयोजन करण्यात येणार आहे. जुलैमध्ये बर्मिंगहॅम येथे आयसीसीच्या वार्षिक सर्वसाधारण बैठकीत पुढील दोन WTC फायनलचे यजमानपदासाठी इंग्लंडची निवड करण्यात आली आहे.
ICC ने केली मोठी घोषणा
आयसीसीचे (ICC) मुख्य कार्यकारी अधिकारी ज्योफ अल्लार्डिस यांनी एका निवेदनात म्हटले की, "आम्हाला आनंद होत आहे की, पुढील वर्षी आयसीसी वर्ल्ड टेस्ट चॅम्पियनशिप फायनलचे आयोजन 'द ओव्हल' वर केले जाईल. तर 2025 च्या अंतिम सामन्याचे आयोजन लॉर्ड्सवर करण्यात येणार आहे."
या दोन क्रिकेट मैदानांना 2023 आणि 2025 WTC चे होस्टिंग मिळाले
यामध्ये, ज्योफ अलार्डीस म्हणाले की, 'गेल्या वर्षी न्यूझीलंड (New Zealand) आणि भारत (India) यांच्यातील साउथॅम्प्टनमधील अंतिम सामना अटीतटीचा झाला होता. यातच मला खात्री आहे की, जगभरातील क्रिकेट चाहते 'ओव्हल' वर पुढील WTC फायनलची आतुरतेने वाट पाहत असतील.'
ऑस्ट्रेलिया आणि दक्षिण आफ्रिका अव्वल
2023 आणि 2025 या दोन्ही आयसीसी वर्ल्ड टेस्ट चॅम्पियनशिपसाठी ठिकाणांची घोषणा करण्यात आली आहे, परंतु त्यांच्या तारखांची अद्याप पुष्टी झालेली नाही. मेरीलेबोन क्रिकेट क्लब (MCC) चे मुख्य कार्यकारी अधिकारी आणि सचिव गे लॅव्हेंडर म्हणाले की, "लॉर्ड्सवर 2025 मध्ये आयसीसी वर्ल्ड टेस्ट चॅम्पियनशिपचे आयोजन करण्यात येणार आहे. ऑस्ट्रेलिया आणि दक्षिण आफ्रिका (South Africa) सध्या WTC टेबलमध्ये आघाडीवर आहेत.''
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
