FIFA World Cup 2022: फाईव्हस्टार हॉटेल सोडून कतार विद्यापीठाच्या हॉस्टेलमध्ये का राहतोय मेस्सीचा अर्जेंटिना संघ?

आचाऱ्यासह अर्जेंटिनात मिळणारे खास मांसही संघाने सोबत आणले
Argentina Football Team
Argentina Football Team Dainik Gomantak

FIFA World Cup 2022: फिफा फुटबॉल वर्ल्डकप 2022 स्पर्धेला काही तासातच सुरवात होत आहे. तथापि, त्यामुळे शनिवारीपर्यंतच स्पर्धेत सहभागी सर्व सहभागी संघ कतारमध्ये दाखल झाले आहेत. फुटबॉल स्टार लिओनेल मेस्सीचा अर्जेटिना संघ तर गुरूवारीच कतारमध्ये दाखल झाला, पण मेस्सीच्या संघाने हॉटेलमध्ये राहण्यास नकार दिला.

Argentina Football Team
FIFA World Cup 2022 Kick Off: पराभव टाळण्यासाठी यजमान कतारची इक्वाडोर संघातील खेळाडूंना 60 कोटींची लाच?

फाईव्ह स्टार हॉटेलमध्ये राहण्यास नकार देत अर्जेंटिना संघाने येथील कतार विद्यापीठातील हॉस्टेलमध्ये राहण्यास प्राधान्य दिले. अर्थात ही गोष्ट विचित्र वाटू शकते, की फाईव्ह स्टार हॉटेल सोडून अर्जेंटिना संघ इतर ठिकाणी का राहणार आहे? त्याचे कारणही समोर आले आहे. संघाला कतारमध्ये देखील घरासारखे वाटावे, म्हणून संघ व्यवस्थापनाने हा निर्णय घेतला आहे.

अर्जेंटिनाच्या या पथकासोबत त्यांच्या देशात मिळणारे खास मटण आणि एक आचारी देखील कतारमध्ये आला आहे. अर्जेंटिनाचे खास पदार्थ बनविण्यासाठीच या आचाऱ्यालाही संघाने सोबत आणले आहे. कतारमध्ये फाईव्ह स्टार हॉटेलमध्ये असे करण्यास मनाई आहे. त्यामुळे परवानगी नसल्याने अर्जेंटिना संघाने विद्यापीठाच्या हॉस्टेलमध्ये राहण्याचा निर्णय घेतला.

Argentina Football Team
Ind Beats NZ In T20: आधी 'सूर्या' तळपला, नंतर 'दीपक'कडून न्युझीलंडची शिकार; भारताची 65 धावांनी मात

दरम्यान, कतार विद्यापीठाचे हॉस्टेलदेखील एखाद्या फाईव्ह स्टार हॉटेलपेक्षा कमी नाही. येथे 90 खोल्या आहेत. आणि सर्व सुविधा उपलब्ध आहेत. येथे एक ऑलिंपिक साईज स्विमिंग पुलदेखील आहे. याशिवाय 10 हजार प्रेक्षक क्षमता असलेले एक फुटबॉल स्टेडियमदेखील आहे.

अर्जेंटिना फुटबॉल संघातील सुत्रांनी सांगितले की, आम्ही येथे यापुर्वीही आलो आहे. आम्ही हॉस्टेलची निवड याच कारणासाठी केली आहे, जेणेकरून खेळाडूंना मोकळे वातावरण मिळेल. आम्हाला घरासारखे वाटले पाहिजे, यासाठी हा निर्णय घेण्यात आला. आमचा संघ सर्वोत्तम आहे आणि आम्हाला सर्वोत्तमच गोष्टी हव्या आहेत. आमचे लक्ष वर्ल्डकप जिंकण्यावर आहे, हॉटेलवर नाही, असेही स्पष्ट करण्यात आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com