IPL 2022: राजस्थान रॉयल्सने लाँच केली खास जर्सी

आयपीएल 2022 (IPL 2022) मधील 45 वा सामना राजस्थान रॉयल्स आणि मुंबई इंडियन्स यांच्यात होणार आहे.
IPL 2022: राजस्थान रॉयल्सने लाँच केली खास जर्सी
Rajasthan Royals Dainik Gomantak

आयपीएल 2022 (IPL 2022) मधील 45 वा सामना राजस्थान रॉयल्स आणि मुंबई इंडियन्स यांच्यात होणार आहे. लीगमध्ये राजस्थानसाठी हा सामना खूप खास असणार आहे. संजू सॅमसनची टीम एक खास जर्सी घालून मैदानात उतरणार आहे. आजच्या सामन्यात राजस्थानची टीम शेन वॉर्नचे नाव छापलेली जर्सी घालून मैदानात उतरणार आहे. राजस्थान रॉयल्सने (Rajasthan Royals) या खास जर्सीचा व्हिडिओ देखील सोशल मीडियावर पोस्ट केला आहे. शेन वॉर्नचे (Shane Warne) नुकतेच हृदयविकाराच्या झटक्याने निधन झाले. ते थायलंडला सुट्टी घालवण्यासाठी गेले होते. तिथेच त्यांचा मृत्यू झाला. शेन वॉर्न हे राजस्थान रॉयल्सचे पहिले कर्णधार होते, ज्यांच्या नेतृत्वाखाली संघाने एकमेव विजेतेपद जिंकले. (In IPL 2022 Rajasthan Royals have launched a jersey named after Shane Warne)

दरम्यान, राजस्थान रॉयल्सने शेन वॉर्न यांच्या सन्मानार्थ लाँच केलेली जर्सी गुलाबी आणि निळ्या रंगाची आहे. जर्सीच्या कॉलरवर SW 23 लिहिलेले आहे. म्हणजेच शेन वॉर्न आणि 23 हा त्यांच्या जर्सीचा नंबर होता. राजस्थान रॉयल्सच्या यशात शेन वॉर्न यांचा मोठा वाटा होता. पहिल्या सत्रात त्यांच्याबरोबर संघात अगदी नवखे खेळाडू होते. अशातही वॉर्न यांनी राजस्थानला आयपीएलचे पहिले विजेतेपद मिळवून दिले.

Rajasthan Royals
IPL 2022: PBKS वर विजय मिळवल्यानंतरही KL राहुलला का आला राग?

राजस्थानने चेन्नईला हरवून आयपीएलचे पहिले जेतेपद जिंकले

चेन्नई सुपर किंग्ज (Chennai Super Kings) सारख्या बलाढ्य संघाचा पराभव करुन राजस्थान आयपीएल विजेता ठरला होता. प्रथम फलंदाजी करताना चेन्नई संघाने 5 फलंदाजाच्या मोबदल्यात 163 धावा केल्या होत्या. प्रत्युत्तरात राजस्थानने शेवटच्या चेंडूवर हे लक्ष्य गाठले. शेवटच्या षटकात राजस्थानला विजयासाठी 8 धावांची गरज होती.

दुसरीकडे, चेन्नईसाठी लक्ष्मीपती बालाजीने पहिल्या 3 चेंडूत केवळ 2 धावा दिल्या. मात्र असे असतानाही राजस्थानने बाजी मारली. तन्वीर आणि शेन वॉर्नने अनुभवाचा फायदा घेत संघाला चॅम्पियन बनवले. आयपीएल 2008 मध्ये राजस्थानचा कर्णधार शेन वॉर्नने अप्रतिम गोलंदाजी करताना 15 सामन्यात 19 बळी घेतले होते. तर सोहेल तन्वीरने 22 आणि शेन वॉटसनने 17 विकेट घेतल्या. फलंदाजीत ग्रॅम स्मिथने 441, शेन वॉटसनने 472 आणि युसूफ पठाणने 435 धावा केल्या होत्या.

Rajasthan Royals
बाद फेरीमधील स्थान निश्चितीचे गुजरात टायटन्सचे लक्ष्य

वॉर्नसाठी कायपण

राजस्थानचा संघ सध्याच्या हंगामात जबरदस्त फॉर्ममध्ये आहे. 8 पैकी 6 सामने जिंकून गुणतालिकेत राजस्थानचा संघ दुसऱ्या क्रमांक आहे. अशा स्थितीत राजस्थान रॉयल्सच्या प्रत्येक चाहत्याला संघाने आपली चांगली कामगिरी कायम राखून यंदा चॅम्पियन बनवायचे आहे. सध्या राजस्थान रॉयल्सला शेन वॉर्नसाठी शनिवारी मुंबई इंडियन्सविरुद्धचा सामना जिंकायचा आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.