Video: फुटबॉलच्या मैदानात अफगानिस्तानचा पराभव, सेलिब्रेशन करणाऱ्या भारतीय खेळाडूंना मारहाण

2016 नंतर अफगाणिस्तानविरुद्ध भारतीय संघाचा हा पहिला विजय ठरला.
Video: फुटबॉलच्या मैदानात अफगानिस्तानचा पराभव, सेलिब्रेशन करणाऱ्या भारतीय खेळाडूंना मारहाण
India vs Afghanistan Football matchTwitter

भारतीय फुटबॉल संघाने एएफसी आशियाई चषक पात्रता फेरीच्या तिसर्‍या फेरीत आपली विजयी घोडदौड सुरू ठेवली आहे. शनिवारी कोलकाता येथील सॉल्ट लेक स्टेडियमवर झालेल्या सामन्यात भारताने अफगाणिस्तानचा 2-1 असा पराभव केला. या सामन्यात भारताकडून कर्णधार सुनील छेत्री (86वा) आणि सहल अब्दुल समद (91वा) यांनी गोल केले. (India vs Afghanistan Fight)

यापूर्वी भारताने कंबोडियाचा 2-0 असा पराभव केला होता. या विजयानंतर, इगोर स्टिमेकचा संघ पुरुषांच्या AFC आशियाई चषक पात्रता फेरीतील त्यांच्या पुढील सामन्यात हाँगकाँगशी भिडणार आहे.

दुसरीकडे भारताविरुद्धचा सामना हरल्यानंतर अफगाणिस्तानच्या खेळाडूंना स्वतःवर नियंत्रण ठेवता आले नाही आणि ते भारतीय खेळाडूंशी भिडले. सोशल मीडियावर व्हायरल होत असलेल्या व्हिडीओमध्ये अफगाणिस्तानचे 3 खेळाडू आणि भारतीय संघाचे 2 खेळाडू हाणामारी करताना दिसत आहेत.

India vs Afghanistan Football match
अर्रर्र खतरनाक! डॅरिल मिशेलने मारला सिक्सर अन् बॉल गेला थेट बिअरच्या ग्लासात; VIDEO

भारताचा स्टार गोलकीपर गुरप्रीत सिंग प्रकरण शांत करण्यासाठी पुढे आला, परंतु अफगाणिस्तानच्या खेळाडूंनी त्याला धक्का दिला. एएफसीचे अधिकारी मैदानावरील खेळाडूंना शांत करण्याचा प्रयत्न करतांना या व्हिडिओमध्ये दिसत आहे. त्यांनी भर मैदानातच भारतीय खेळाडूंशी धक्काबुक्की करण्याचा प्रयत्न केला. या घटनेचा व्हिडिओ सोशल मीडियावर जोरदार व्हायरल होत आहे. हा सामना कोलकात्याच्या व्हीवायबीके स्टेडियमवर खेळवला गेला होता.

जानेवारी 2016 नंतर भारतीय संघाचा अफगाणिस्तानविरुद्धचा हा पहिला विजय होता. यापूर्वी, गेल्या दोन वेळा अफगाणिस्तानच्या संघाला भारताला दोनदा बरोबरीत रोखण्यात यश आले होते. एकूण, भारतीय संघ अफगाणिस्तानविरुद्ध 11 सामने खेळले आहे, ज्यात सात जिंकले आहेत आणि एका सामन्यात पराभव पत्करावा लागला आहे.

अफगाणिस्तानविरुद्ध गोल केल्यानंतर भारतीय कर्णधार सुनील छेत्रीने आता 128 आंतरराष्ट्रीय सामन्यांमध्ये 82 गोल केले आहेत. अ‍ॅक्टिव फुटबॉलपटूंमध्ये फक्त क्रिस्टियानो रोनाल्डो (पोर्तुगाल) आणि लिओनेल मेस्सी (अर्जेंटिना) हे छेत्रीच्या पुढे आहेत. रोनाल्डोने 189 सामन्यांमध्ये 117 गोल केले आहेत आणि मेस्सीने 86 (162 सामने) केले आहेत.

India vs Afghanistan Football match
विराट कोहलीने या दिवशी केले T20 मधुन पदार्पण आणि रचला इतिहास

दरम्यान, स्पर्धेच्या D गटातील चुरशीच्या लढतीमध्ये भारताने अफगाणिस्तानला 2-1 ने पराभूत करून संघासाठी महत्त्वाचे तीन गुण मिळवले आहेत. सामना चांगला रंगला असताना सुनील छेत्रीने फ्री-किकवर एक गोल केला. त्यानंतर अफगाणिस्ताननेही एक गोल करून सामन्यात पुनरागमन केले होते, मात्र शेवटी सहल अब्दुल समदच्या एका गोलने भारतीय संघाला दणदणीत विजय मिळवून दिला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com