IND vs AUS: 'हे' 5 धाकड ठरले टीम इंडियाच्या विजयाचे हिरो, ऑस्ट्रेलियन संघाचे उडवले होश

IND vs AUS 1st ODI Match: टीम इंडियाने ऑस्ट्रेलियाविरुद्धच्या 3 सामन्यांच्या वनडे मालिकेला विजयाने सुरुवात केली आहे.
Team India
Team IndiaDainik Gomantak

IND vs AUS 1st ODI Match: टीम इंडियाने ऑस्ट्रेलियाविरुद्धच्या 3 सामन्यांच्या वनडे मालिकेला विजयाने सुरुवात केली आहे. मालिकेतील पहिला सामना मुंबईतील वानखेडे स्टेडियमवर खेळला गेला.

या सामन्यात ऑस्ट्रेलियाने प्रथम फलंदाजी करताना केवळ 188 धावा केल्या. टीम इंडियाने 189 धावांचे लक्ष्य 5 विकेट गमावूनच पूर्ण केले. या सामन्यात 5 खेळाडू टीम इंडियाच्या विजयाचे हिरो ठरले.

दरम्यान, ऑस्ट्रेलियाविरुद्धच्या (Australia) पहिल्या एकदिवसीय सामन्यात टीम इंडियाच्या विजयाचा सर्वात मोठा हिरो केएल राहुल ठरला. या सामन्यात केएल राहुलने शानदार कामगिरी केली.

Team India
IND vs AUS 1st ODI: जड्डू, गिल, केएलचे शानदार कॅच, तर शमी, सिराज गोलंदाजीत चमकले; पाहा Video

तसेच, मोहम्मद शमी टीम इंडियाचा सर्वात यशस्वी गोलंदाज ठरला. या सामन्यात आपल्या वेगवान गोलंदाजीसह मोहम्मद शमीने अचूक लाईन लेन्थने कांगारुंना प्रचंड त्रास दिला. या सामन्यात 6 षटके टाकताना मोहम्मद शमीने केवळ 17 धावा दिल्या आणि 3 बळी घेतले. या सामन्यात मोहम्मद शमीची इकॉनमी केवळ 2.83 इतकी होती.

दुसरीकडे, टीम इंडियाचा (Team India) धडाकेबाज अष्टपैलू रवींद्र जडेजानेही या सामन्यात अप्रतिम कामगिरी केली. पहिल्यांदा गोलंदाजी करताना रवींद्र जडेजाने 9 षटकांत 46 धावा देत 2 बळी घेतले. त्याचबरोबर जडेजाने नाबाद 45 धावांची खेळी खेळली.

मोहम्मद शमीशिवाय मोहम्मद सिराजनेही या सामन्यात शानदार गोलंदाजी केली. 5.4 षटके टाकताना मोहम्मद सिराजने 29 धावा दिल्या आणि 3 बळी घेतले.

Team India
IND vs AUS, 1st ODI: चार वेगवान अन् दोन स्पिनर्सला टीम इंडियात संधी, पाहा दोन्ही संघांची Playing XI

त्याचबरोबर, या सामन्यात संघाचे नेतृत्व करत असलेल्या हार्दिक पांड्यानेही शानदार कामगिरी केली. पांड्याने या सामन्यात 5 षटके टाकली आणि 29 धावांत एक विकेट घेतली. त्याचवेळी हार्दिक पांड्यानेही 31 चेंडूत 25 धावांची खेळी केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com