IND vs NZ: दुसऱ्या वनडेत टीम इंडियाच्या विजयाचे शिल्पकार ठरले 'हे' 5 धाकड

IND vs NZ 2nd ODI Match: भारत आणि न्यूझीलंड यांच्यातील तीन एकदिवसीय मालिकेतील दुसरा सामना रायपूर येथे खेळला गेला.
Team India
Team IndiaDainik Gomantak

IND vs NZ 2nd ODI Match: भारत आणि न्यूझीलंड यांच्यातील तीन एकदिवसीय मालिकेतील दुसरा सामना रायपूर येथे खेळला गेला. या सामन्यात टीम इंडियाने 8 गडी राखून मालिका जिंकली. उभय संघांदरम्यान खेळल्या गेलेल्या या सामन्यात प्रथम फलंदाजी करताना न्यूझीलंडचा संघ 108 धावांत गुंडाळला गेला, भारताने हे लक्ष्य केवळ 2 गडी गमावून पूर्ण केले. टीम इंडियाच्या या मोठ्या विजयात 5 खेळाडू सर्वात मोठे हिरो ठरले.

दरम्यान, न्यूझीलंडविरुद्धच्या (New Zealand) मालिकेतील दुसऱ्या सामन्यात वेगवान गोलंदाज मोहम्मद शमी भारतीय संघाच्या विजयाचा सर्वात मोठा हिरो ठरला. या सामन्यात 6 षटके टाकताना मोहम्मद शमीने अवघ्या 3.00 च्या इकॉनॉमीसह 18 धावा दिल्या आणि 3 महत्त्वाच्या खेळाडूंना बाद केले.

Team India
IND vs NZ: गोलंदाजांच्या शानदार कामगिरीला, फलंदाजांची साथ! दुसऱ्या वनडेत Team India चा दणदणीत विजय

दुसरीकडे, टीम इंडियाचा (Team India) अष्टपैलू खेळाडू हार्दिक पांड्यानेही या सामन्यात अप्रतिम कामगिरी केली. हार्दिकने या सामन्यात 6 षटके टाकताना केवळ 16 धावा दिल्या आणि 2 विकेट्स आपल्या नावावर केल्या.

तसेच, वॉशिंग्टन सुंदरलाही या मालिकेत मिळत असलेल्या संधींचा पुरेपूर फायदा उठवता आला आहे. दुसऱ्या एकदिवसीय सामन्यात वॉशिंग्टन सुंदरने फक्त 3 षटके टाकली, परंतु या छोट्या षटकातही तो 2 विकेट घेण्यात यशस्वी झाला. वेगवान गोलंदाज मोहम्मद सिराजचा घातक फॉर्म या सामन्यातही कायम राहिला. या सामन्यात 6 षटके टाकताना मोहम्मद सिराजने 1.66 च्या इकॉनॉमीसह केवळ 10 धावा दिल्या आणि 1 बळी घेतला.

Team India
IND vs NZ: भारत-न्यूझीलंड यांच्यातील तिसऱ्या वनडेचे ठिकाण बदलले? उच्च न्यायालयाने...!

शिवाय, 109 धावांच्या लक्ष्याचा पाठलाग करताना टीम इंडियाचा कर्णधार रोहित शर्माने कर्णधारपदाची खेळी खेळली. रोहित शर्माने 50 चेंडूंचा सामना करत 51 धावा केल्या, या इनिंगमध्ये रोहित शर्माच्या बॅटला 7 चौकार आणि 2 षटकार लागले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com