IND vs NZ: 'मालिका जिंकायची असेल तर...,' कर्णधार धवनला या दिग्गजाने दिला मोलाचा सल्ला

India vs New Zealand: न्यूझीलंडविरुद्धच्या पहिल्या एकदिवसीय सामन्यात टीम इंडियाला 7 गडी राखून पराभव स्वीकारावा लागला होता.
Team India
Team IndiaDainik Gomantak

India vs New Zealand 2nd ODI: न्यूझीलंडविरुद्धच्या पहिल्या एकदिवसीय सामन्यात टीम इंडियाला 7 गडी राखून पराभव स्वीकारावा लागला होता. आता दुसरी वनडे 27 नोव्हेंबरला खेळवली जाणार आहे. यापूर्वी भारताचा माजी क्रिकेटपटू वसीम जाफरने कर्णधार शिखर धवनला मोलाचा सल्ला दिला आहे. पहिल्या एकदिवसीय सामन्यात टीम इंडियाच्या अनेक स्टार खेळाडूंनी अत्यंत खराब कामगिरी केली. त्याच्यामुळे भारतीय संघाला पराभवाचा सामना करावा लागला.

वसीम जाफर यांनी ही माहिती दिली

भारताचा माजी क्रिकेटपटू वसीम जाफरने सांगितले की, 'दुसर्‍या वनडेत आम्ही कुलदीप यादवला यजुवेंद्र चहलच्या (Yuzvendra Chahal) जागी पाहू शकतो, कारण त्याने शानदार प्रदर्शन केले आहे. तसेच, आपण अर्शदीप सिंगच्या जागी दीपक चहरला (Deepak Chahar) पाहू शकतो, कारण तो चेंडू उत्तम स्विंग करतो.'

Team India
IND vs NZ, 1st ODI: भारताचा न्यूझीलंडकडून दारुण पराभव, लॅथम-विलियम्सनची द्विशतकी भागीदारी

पहिल्या वनडेत खराब कामगिरी

यजुवेंद्र चहल आणि अर्शदीप सिंग यांना न्यूझीलंडविरुद्ध म्हणावी तशी कामगिरी करता आली नाही. चहलने यावर्षी 12 एकदिवसीय सामन्यांमध्ये 21 विकेट घेतल्या आहेत, परंतु टी-20 विश्वचषकात तो एकही सामना खेळला नाही. पहिल्या एकदिवसीय सामन्यात चहलने 10 षटकात 66 धावा दिल्या होत्या. तर, यावर्षी अर्शदीपने टी-20 विश्वचषकात चांगली कामगिरी केली, परंतु पहिल्या एकदिवसीय सामन्यात 8.1 षटकात 68 धावा देऊन त्याला एकही बळी घेता आला नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com