Ind vs NZ: ब्रेसवेलच्या खेळीने उडाली झोप, गिलचे द्विशतक; जाणून घ्या भारताच्या विजयाचे पाच पॉइंट्स

India vs New Zealand: रोहित शर्माच्या नेतृत्वाखालील भारतीय संघाने न्यूझीलंड वनडे मालिकेत विजयी सुरुवात केली आहे.
Team India
Team IndiaDainik Gomantak

India vs New Zealand: रोहित शर्माच्या नेतृत्वाखालील भारतीय संघाने न्यूझीलंड वनडे मालिकेत विजयी सुरुवात केली आहे. हैदराबादमध्ये बुधवारी झालेल्या पहिल्या एकदिवसीय सामन्यात भारताने 12 धावांनी रोमांचक विजय नोंदवला. शुभमन गिलच्या द्विशतकाच्या जोरावर भारताने 350 धावांचे लक्ष्य दिले, त्याला प्रत्युत्तरात किवी संघ 49.2 षटकात 337 धावांवर गारद झाला. आम्ही तुम्हाला भारताच्या रोमांचक विजयाविषयी पाच गोष्टी सांगणार आहोत.

शुभमन गिलचे द्विशतक

अंडर-19 विश्वचषक 2018 मध्ये आपला करिष्मा दाखवल्यानंतर गिलला भारतीय क्रिकेटमधील पुढचा स्टार म्हणून ओळखले जात आहे. 150 धावा पूर्ण केल्यानंतर त्याने आपल्या डावात सहा षटकार ठोकले. गिलने 149 चेंडूंचा सामना करत 208 धावा केल्या, ज्यात 19 चौकार आणि नऊ षटकार मारले. शुभमन गिलच्या पहिल्या द्विशतकाच्या जोरावर भारताने (India) आठ गडी गमावून 349 धावा केल्या.

Team India
IND vs NZ, ODI: टीम इंडियाच्या या 5 खेळाडूंवर सर्वांच्या नजरा, किवींना करणार चीतपट

मोहम्मद सिराजचे चार बळी

हैदराबादमध्ये खेळल्या गेलेल्या या सामन्यात मोहम्मद सिराजने शानदार गोलंदाजी केली. सुरुवातीच्या षटकांमध्ये त्याने संघाला पहिली विकेट मिळवून दिली. त्याने इनफिल्डर डेव्हॉन कॉनवेला बाद केले. त्यानंतर त्याने मधल्या षटकांमध्ये न्यूझीलंडचा कर्णधार टॉम लॅथमला बाद केले. यानंतर रोहितने 46 व्या षटकात सिराजकडे चेंडू सोपवला आणि त्याच षटकात त्याने दोन बळी (मिचेल सँटनर आणि शिल्पी) घेत भारतीय संघाला सामन्यात परत आणले.

कुलदीप यादवची किफायतशीर गोलंदाजी

सलामीवीर बाद झाल्यानंतर कुलदीप यादवने (Kuldeep Yadav) या सामन्यात भारताला आणखी दोन बळी मिळवून देत न्यूझीलंडवर दडपण आणले. कुलदीपने हेन्री निकोल्स आणि डॅरिल मिशेलला बाद केले.

Team India
Ind vs NZ ODI: हार्दिक पंड्याच्या विकेटवरुन वाद पेटला, 'निर्णय पूर्णपणे चुकीचा...!

रोहित आणि गिलची शानदार सुरुवात

रोहित शर्मा आणि शुभमन गिल यांनी भारताला पुन्हा एकदा चांगली सुरुवात करुन दिली. प्रथम फलंदाजी करताना या जोडीने पहिल्या विकेटसाठी 60 धावांची भागीदारी केली. रोहित 38 चेंडूत 34 धावा करुन बाद झाला, तर गिलने त्याचे पहिले एकदिवसीय द्विशतक झळकावले आणि असे करणारा तो पाचवा भारतीय फलंदाज ठरला.

Team India
IND vs NZ 1st ODI Match: केएल राहुल आऊट, आता 'या' खेळाडूला मिळणार प्लेइंग 11 मध्ये स्थान

अखेरच्या दोन षटकांत भारतीय गोलंदाजांनी संयम दाखवला

न्यूझीलंडला शेवटच्या 12 चेंडूत 24 धावांची गरज होती. तर धावा वाचवणे भारतासाठी सोपे नव्हते. कारण शमीविरुद्ध किवी संघाने 48 व्या षटकात 17 धावा केल्या होत्या. परंतु हार्दिकने तगडी गोलंदाजी करत फर्ग्युसनला बाद केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com