IND vs NZ: रोहित-विराट खेळणार नाहीत न्यूझीलंडविरुद्धचा शेवटचा वनडे सामना! जाणून घ्या संपूर्ण प्रकरण

Virat Kohli And Rohit Sharma: भारत आणि न्यूझीलंड यांच्यातील एकदिवसीय मालिकेतील शेवटचा सामना 24 जानेवारीला इंदूरमध्ये खेळवला जाणार आहे.
Rohit Sharma & Virat Kohli
Rohit Sharma & Virat KohliDainik Gomantak

Virat Kohli And Rohit Sharma: भारत आणि न्यूझीलंड यांच्यातील एकदिवसीय मालिकेतील शेवटचा सामना 24 जानेवारीला इंदूरमध्ये खेळवला जाणार आहे. मालिकेतील शेवटच्या सामन्यापूर्वी भारताचा माजी सलामीवीर वसीम जाफरने (Wasim Jaffer) टीम इंडियाचा कर्णधार रोहित शर्मा आणि स्टार फलंदाज विराट कोहलीला एक महत्त्वाचा सल्ला दिला आहे. रोहित-विराटने हा सल्ला पाळल्यास ते वनडे मालिकेतील शेवटच्या सामन्यातून बाहेर पडू शकतात.

वसीम जाफरने हा महत्त्वाचा सल्ला दिला आहे

टीम इंडियाला (Team India) न्यूझीलंडमध्ये ऑस्ट्रेलियाविरुद्ध 4 सामन्यांची कसोटी मालिका खेळायची आहे. अशा परिस्थितीत टीम इंडियाच्या वरिष्ठ खेळाडूंनी रणजी ट्रॉफी खेळली पाहिजे, जेणेकरुन त्यांना कसोटी मालिकेपूर्वी लय मिळेल, असे वसीम जाफरचे मत आहे.

Rohit Sharma & Virat Kohli
IND vs NZ: तिसऱ्या वनडेसाठी भारताची Playing 11 फिक्स! कर्णधार रोहित 'या' खेळाडूला देणार डच्चू?

ईएसपीएन क्रिकइन्फोशी बोलताना वसीम जाफर म्हणाला की, 'मला वाटते (रणजी ट्रॉफी खेळणे) याचे अनेक अर्थ आहेत. जर ते एक रणजी सामना खेळले तर त्यांना दोन डाव मिळतील. तुम्ही कितीही अनुभवी असलात, तरी तुम्हाला सामन्यात वेळेची गरज असते, विशेषत: लाल चेंडूच्या क्रिकेटमध्ये.'

Rohit Sharma & Virat Kohli
IND vs NZ: दुसऱ्या वनडेत टीम इंडियाच्या विजयाचे शिल्पकार ठरले 'हे' 5 धाकड

टीम इंडियाला नंबर-1 बनण्याची संधी आहे

वसीम जाफर पुढे म्हणाला की, 'या सर्व दृष्टिकोनातून एक मोठी मालिका आहे, मग ती जागतिक कसोटी चॅम्पियनशिपची फायनल असो, ज्यामध्ये भारत (India) आपले स्थान बनवू शकतो किंवा जगातील नंबर-1 कसोटी संघ बनू शकतो. विराट कोहली गेल्या काही काळापासून कसोटी क्रिकेट खेळलेला नाही. तर रोहितसह इतर अनेक खेळाडूंचीही तीच अवस्था आहे.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com