Virat Kohli: दुष्काळ संपला! किंग कोहलीनं 1205 दिवसांनी ठोकलं कसोटी शतक, पाहा Video

India vs Australia: अहमदाबाद कसोटीत विराट कोहलीने त्याचे 28 वे कसोटी शतक केलं आहे.
Virat Kohli
Virat KohliDainik Gomantak

Virat Kohli 28th Test Century: अहमदाबाद येथील नरेंद्र मोदी स्टेडियमवर भारत विरुद्ध ऑस्ट्रेलिया संघात कसोटी मालिकेतील चौथा सामना सुरू आहे. या सामन्यात भारताचा स्टार फलंदाज विराट कोहलीने सामन्याच्या चौथ्या दिवशी म्हणजे रविवारी शतक पूर्ण केले आहे. विराटचे हे 75 वे आंतरराष्ट्रीय शतक ठरले आहे.

विराटने भारताच्या पहिल्या डावातील 139 व्या षटकात नॅथन लायनविरुद्ध एकेरी धाव धावत शतकाला गवसणी घातली. विराटने 241 चेंडूत 5 चौकार ठोकत शतक पूर्ण केले. हे विराटचे कसोटी क्रिकेटमधील 28 वे शतक ठरले आहे.

Virat Kohli
Virat Kohli: रनमशीनचा नवा पराक्रम! भारतात 50 व्या कसोटीत फिफ्टी ठोकत 'हा' रेकॉर्ड नावावर

तब्बल तीन वर्षांनी कसोटी शतक

दरम्यान, विराटने तब्बल तीन वर्षांनंतर म्हणजे एकूण 1205 दिवसांनी कसोटीत शतक केले आहे. त्याने यापूर्वी त्याचे अखेरचे कसोटी शतक म्हणजेच त्याचे 27 वे कसोटी शतक 22 ते 24 नोव्हेंबर दरम्यान 2019 मध्ये झालेल्या बांगलादेशविरुद्ध कोलकातामधील ईडन गार्डन्सवर केले होते.

त्यानंतर त्याने गेल्या तीन वर्षात कसोटीमध्ये 6 अर्धशतके केली, पण त्याला शतक करता आले नव्हते. अखेर त्याची 28 व्या कसोटीची प्रतिक्षा संपली आहे. त्याने हे शतक करताच जोरदार सेलिब्रेशन देखील केले.

तो कसोटी क्रिकेटमध्ये 28 शतक करणारा 19 वा खेळाडू ठरला आहे. त्याने सर्वाधिक कसोटी शतक करणाऱ्या क्रिकेटपटूंमध्ये मायकल क्लार्क आणि हाशिम आमला यांची बरोबरी केली आहे. क्लार्क आणि आमला यांनी देखील कसोटीत 28 शतके केली आहेत.

Virat Kohli
Virat Kohli: बापरे! विराट कोहलीला 50 रुपयांसाठी धुतले होते, दिग्गज खेळाडूने सांगितला किस्सा

भारतीय संघ भक्कम स्थितीत

या सामन्यात ऑस्ट्रेलियाला 480 धावांवर रोखल्यानंतर भारताकडून पहिल्या डावात विराटबरोबरच शुभमन गिल यानेही शतकी खेळी केली आहे. त्याने 128 धावांची खेळी केली. विराटला यष्टीरक्षक फलंदाज केएस भरतनेहीचा आक्रमक खेळत चांगली साथ दिली होती.

पण तो 88 चेंडूत 44 धावांची खेळी करून बाद झाला. भरत आणि विराट यांच्यात पाचव्या विकेटसाठी 84 धावांची भागीदारी झाली. त्यापूर्वी कर्णधार रोहित शर्माने 35 धावांची, चेतेश्वर पुजाराने 42 धावांची खेळी केली. तसेच रविंद्र जडेजा 28 धावांवर बाद झाला. त्यामुळे भारताने 140 षटकात 5 बाद 400 धावा केल्या होत्या. अद्याप भारताची फलंदाजी सुरू आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com