Hockey World Cup: हार्दिक-अमितच्या जोरावर टीम इंडियाची विजयी सुरुवात, स्पेनचा उडवला धुव्वा

India vs Spain Hockey World Cup 2023 Match: FIH पुरुष हॉकी विश्वचषक 2023 गट D चा सामना भारत आणि स्पेन यांच्यात राउरकेला येथे खेळला गेला.
Hockey Team India
Hockey Team IndiaDainik Gomantak

India vs Spain Hockey World Cup 2023 Match: FIH पुरुष हॉकी विश्वचषक 2023 गट D चा सामना भारत आणि स्पेन यांच्यात राउरकेला येथे खेळला गेला. या सामन्यात भारताने दणदणीत विजय नोंदवला. भारताने स्पेनचा 2-0 असा पराभव केला आणि यजमानांनी विजयासह स्पर्धेची सुरुवात केली. पहिल्या क्वार्टरमध्ये भारताकडून अमित रोहिदासने गोल केला. दुसऱ्या क्वार्टरमध्येही भारताने शानदार खेळ केला. यादरम्यान हार्दिक सिंगने भारतासाठी दुसरा गोल करत 2-0 अशी आघाडी घेतली.

दरम्यान, भारतीय संघाने तिन्ही क्वार्टरमध्ये दमदार प्रदर्शन केले. तिसऱ्याच मिनिटाला भारतीय खेळाडू अभिषेकला 10 मिनिटे खेळातून बाहेर व्हावे लागले. त्याची टक्कर स्पॅनिश खेळाडूशी झाली. त्यामुळेच त्याला येलो कार्ड मिळाले. चौथ्या क्वार्टरमध्ये एकही गोल झाला नाही. यामुळे भारताने 2-0 असा विजय मिळवला.

तसेच, हाफ टाईमनंतर 2-0 अशी आघाडी घेतल्यानंतर तिसऱ्या क्वार्टरमध्ये टीम इंडियाने (Team India) बचावात्मक पवित्रा घेतला. मात्र, लवकरच पेनल्टी स्ट्रोकद्वारे गोल करण्याची संधी मिळाली. हरमनप्रीत सिंगने (Harmanpreet Singh) जवळपास तेच केले, परंतु गोलरक्षकाने चेंडू लाईनच्या आत जाऊ दिला नाही. त्यानंतर हरमनप्रीतला पेनल्टी कॉर्नरवर गोल करण्याची आणखी एक संधी मिळाली पण चेंडू वाईड गेला. तिसऱ्या क्वार्टरमध्ये भारताने 14 व्या मिनिटाला आणखी एक पेनल्टी कॉर्नर मिळवला, मात्र यावेळी गोल होऊ शकला नाही.

दुसरीकडे, पहिल्या क्वार्टरमध्ये 1-0 अशी आघाडी घेतल्यानंतर भारताने दुसऱ्या क्वार्टरची सुरुवात चांगली केली. दुसऱ्या क्वार्टरच्या 11व्या मिनिटाला हार्दिकने शानदार खेळ दाखवत चेंडू नेटपर्यंत पोहोचवण्याचे काम केले आणि भारताने 2-0 अशी आघाडी घेतली. दुसऱ्या क्वार्टरच्या शेवटच्या काही क्षणांमध्ये स्पेनला गोल करण्याच्या संधी होती, परंतु भारतीय गोलरक्षक आणि बचाव पक्षाने ते होऊ दिले नाही. हाफ टाईमपर्यंत भारताला (India) 3 पेनल्टी कॉर्नर मिळाले, तर स्पेनला एक पीसी मिळाला.

भारतासाठी 200 वा गोल

अमित रोहिदासने पेनल्टी कॉर्नरवर गोल केल्यावर भारताने हॉकी विश्वचषकाच्या इतिहासात 200 गोल केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com