Kuldeep Yadav Video: खतरनाक! कुलदीपच्या जादूई बॉलनं कॅरे क्लीन बोल्ड, चाहत्यांसह दिग्गजही थक्क

India vs Australia: चेन्नई वनडेत कुलदीप यादवने एक सुरेख चेंडू टाकत ऍलेक्स कॅरेला चीतपट केले. या चेंडूचे सध्या मोठ्या प्रमाणात कौतुक होत आहे.
Kuldeep Yadav Clean Bowled Alex Carey
Kuldeep Yadav Clean Bowled Alex CareyDainik Gomantak

Kuldeep Yadav Clean Bowled Alex Carey: भारत विरुद्ध ऑस्ट्रेलिया संघात चेन्नईतील एमए चिदंबरम स्टेडियमवर वनडे मालिकेतील तिसरा सामना पार पडला. या सामन्यात ऑस्ट्रेलियाने 21 धावांनी विजय मिळवत मालिकाही 2-1 अशा फरकाने जिंकली. असे असले तरी या सामन्यात कुलदीप यादवने ऍलेक्स कॅरेला बाद करताना टाकलेल्या चेंडूची चांगलीच चर्चा रंगली.

या सामन्यात ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला होता. अशात ऑस्ट्रेलियाने पहिल्या तीन विकेट्स 85 धावांवर गमावल्या होत्या. या तिन्ही विकेट्स हार्दिक पंड्याने घेतल्या. त्यानंतरही ऑस्ट्रेलियाने नियमित अंतराने पुढील विकेट्स गमावल्या. यामध्ये कुलदीप यादवच्या तीन विकेट्सचा समावेश होता.

Kuldeep Yadav Clean Bowled Alex Carey
IND vs AUS ODI: टाटा, बायबाय, खतम... कांगारूंनी मारलं चेन्नईचं मैदान! भारताला पराभूत करत मालिकाही जिंकली

कुलदीपने सर्वात आधी डेव्हिड वॉर्नर (23) आणि मार्नस लॅब्युशेनला (28) बाद केले. त्यांनंतर सामन्याच्या 39 व्या षटकात तो पुन्हा गोलंदाजीला आला. त्याने या षटकातील टाकलेला पहिला चेंडू हवेत धीम्यागतीने गेला आणि जमीनीवर टप्पा पडल्यानंतर वळण घेत ऍलेक्स कॅरेच्या बॅटची बाहेरची कड घेत थेट ऑफ स्टंपवर आदळला.

त्याचा हा चेंडू पाहून अनेकांनी आश्चर्य व्यक्त करताना हा सुरेच चेंडू असल्याचे म्हटले. आजी-माजी दिग्गजांकडूनही कुलदीपचे कौतुक झाले. कॅरे या चेंडूवर त्रिफळाचीत झाल्यानंतर काही काय आश्चर्यचकीत होऊन स्तब्ध थांबला होता. कुलदीपने कॅरेला पाचव्यांदा वनडेमध्ये बाद केले आहे. कॅरे 38 धावा करून बाद झाला.

कुलदीपने या सामन्यात शानदार गोलंदाजी करताना 10 षटकात 56 धावा देत 3 विकेट्स घेतल्या.

Kuldeep Yadav Clean Bowled Alex Carey
IND vs AUS: फक्त सिरिजच नाही, नंबर वनचा ताजही गमावला, ऑस्ट्रेलियाचा टीम इंडियाला दुहेरी धक्का

दरम्यान, या सामन्यात ऑस्ट्रेलिया संघ 49 षटकात 269 धावांवर सर्वबाद झाला होता. त्यांनतर 270 धावांच्या आव्हानाचा पाठलाग करण्यासाठी उतरलेल्या भारतीय संघाकडून विराट कोहलीने 54 धावांची अर्धशतकी खेळी केली, तसेच उपकर्णधार हार्दिक पंड्याने 40 धावांची खेळी केली.

याशिवाय शुभमन गिलने 37 आणि रोहित शर्माने 30 धावांची खेळी केली. पण असे असले तरी ऑस्ट्रेलियन गोलंदाजांनी भारतीय फलंदाज आक्रमक खेळ करणार नाही, याकडे विशेष लक्ष दिले. धावगतीवर नियंत्रण राखत विकेट्सही घेतल्याने ऑस्ट्रेलियाने भारताला 49.1 षटकात 248 धावांवर रोखण्यात यश मिळवले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com