India vs Australia, 4th Test: गुरुवारपासून (9 मार्च) भारत विरुद्ध ऑस्ट्रेलिया संघात बॉर्डर-गावसकर ट्रॉफी या कसोटी मालिकेतील चौथा सामना सुरू झाला. या सामन्याच्या पहिल्या दिवशी ऑस्ट्रेलियन फलंदाजांनी चांगली झुंज दिल्याचे दिसून आले.
पहिल्या दिवसाखेर ऑस्ट्रेलियाने उस्मान ख्वाजाच्या नाबाद शतकाच्या जोरावर 90 षटकात 4 बाद 255 धावा केल्या आहेत. पहिल्या दिवसाखेर ख्वाजा 251 चेंडूत 104 धावांवर नाबाद राहिला, तर कॅमेरॉन ग्रीन 49 धावांवर नाबाद आहे.
या सामन्यात ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला होता. त्यामुळे ऑस्ट्रेलियाकडून उस्मान ख्वाजा आणि ट्रेविस हेड सलामीला फलंदाजीसाठी मैदानात उतरले. दरम्यान, हेडला 7 धावावंर असताना केएस भरतकडून झेल सुटल्याने जीवनदान मिळाले होते. पण त्याला या जीवदानाचा फार फायदा घेता आला नाही आणि तो १६ व्या षटकात आर अश्विनच्या गोलंदाजीवर शॉट खेळताना झेलबाद झाला. त्याचा झेल रविंद्र जडेजाने घेतला.
त्यानंतर मार्नस लॅब्युशेनचा मोठा अडथळा मोहम्मद शमीने दूर केला. त्याने लॅब्युशेनला 3 धावांवरच असताना 23 व्या षटकात त्रिफळाची केले. मात्र त्यानंतर ख्वाजाने कर्णधार स्टीव्ह स्मिथला साथीला घेत ऑस्ट्रेलियाचा डाव पुढे नेला. या दोघांनीही संयमी फलंदाजी करताना तिसऱ्या विकेटसाठी 248 चेंडूत 79 धावांची भागीदारी केली.
अखेर ही भागीदारी तोडण्यात जडेजाला यश आले. जडेजाने स्मिथला 38 धावांवर त्रिफळाचीत केले. त्यानंतर पीटर हँड्सकॉम्बने ख्वाजाला साथ देण्याचा प्रयत्न केला होता. पण त्याला फार काळ शमीने टिकून दिले नाही. तो 17 धावांवर खेळत असतानाच 71 व्या षटकात शमीच्या गोलंदाजीवर त्रिफळाचीत केले.
यानंतर मात्र भारतीय गोलंदाजांना दिवस संपेपर्यंत विकेट घेतला आली नाही. दरम्यान, ख्वाजाने त्याच्या कसोटी कारकिर्दीतील 14 वे शतक केले. त्याला अष्टपैलू कॅमेरॉन ग्रीनने चांगली साथ देताना दिवसाखेर त्याच्याबरोबर नाबाद 85धावांची भागीदारी केली. त्यामुळे ऑस्ट्रेलियाने अडीचशेचा आकडा सहज पार केला.
दरम्यान, भारताकडून पहिल्या दिवशी मोहम्मद शमीने सर्वाधिक 2 विकेट्स घेतल्या. तसेच रविंद्र जडेजा आणि आर अश्विन यांनी प्रत्येकी एक विकेट घेतली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
